Mindat ah Myanmar Ralkap Thazaang an Chapmi pawl Khualeng ah an Hren Hna

Mindat ah Myanmar Ralkap Thazaang an Chapmi pawl Khualeng ah an Hren Hna. Nihin zinglei sml. 9:30 hrawng ah Gangaw le Pakukku lei in SAC ralkap thazaang an chapmi pawl cu Mindat peng ah an lut nain tu zaan sml. 9:00 tiang ah Mindat khuachung ah lut kho loin an um, tiah Mindat khuami pawl nih an chim.Mindat ah a kalmi SAC ralkap pawl cu lampi ah CDF-Mindat nih a dotdot in an kham thluahmah hna i nihin zanlei sml. 3:00 tiang hrawng kahdohnak a fak ngaingai.

SAC ralkap lei nih ralhriam ngan pawl an hman caah CDF cu Mindat lei ah an i thawn thluahmah i, Mindat he meng 2 a hlatnak ah SAC ralkap pawl cu an orh hna.Khuachung ah SAC ralkap an luh khawh lo nakhnga a dotdot in Lai meithal he kham ding in ready in an um hna.Monywa hrambunh Myanmar SAC ralkap “North Western Command” in Deputy Commander nih Pakukku le Gangaw lei in a rami SAC ralkap pawl Mindat khua i ralkap sakhaan ah luhter ding in CDF-Mindat a chawnh hna nain CDF-Mindat nih an cohlang lo.

Cucaah, thazaang thar chapmi SAC ralkap pawl cu Mindat he meng 2 a hlatnak khualeng ah an hren hna i, atu zaan sml. 9:00 tiang ah khuachung ah an luh khawh lo bang in kap hnih i kahdohnak zong a um rih lo, tiah kan theih.crd,The Chin Journal April 27, HakhaRelchap>Thawngtha lak ah thawngchia:KNU nih Kawl ralkap sakhan an lak nain anmah zong an nunnak liam veNihin April 27 zing ah Myanmar Thai ramri ummi Kawl ralkap sakhan pakhat cu KNU Tatmaha 5 nih an kah hna i sakhan zong an lak.

KNU nih Kawl ralkap pawl an sakhan ciam dih lak in an kah lengah an hriamnam meithal le bomb pawl tampi an chuh hna.Kawl ralkap cu Tanlwin tiva lei ah an zam i KNU nih a nung tlaih ding ah an dawi hna, cu ti an dawi hna nak ah cun KNU lei a tlawmbik 3 an thi ve. 2 hma an pu tiah anmah KNU lei nih tazavuan in an thanh.Crd. Tluang CeuThang

 

Be the first to comment

Leave a Reply

Your email address will not be published.


*