MANGCHIA LAWNGTE MIN AUNG HLAING CAAH A CHUAK CANG

Nihin Thawngpang. Pakhatnak. Naypyidaw Palik 70 Hrawng CDM An Lut Cang Nihin tiangah Nayphidaw ah Palik 70 hranwg cu CDM ah an i tel cang. BBC). Nizan zongah hmun danun Palik nu 7 CDM ah an i tel i, khua dang zongin Palik CDM ah a telmi an um len tiah thawng an thanh. Pahnihnak. Ralkap 10 CDM Ah An Lut.Nihin ah Karen ah ralkap a tuan liomi ralkap 10 cu CDM ah an i tel. Atu cu an himnak dingah KNU nih an zohkhanh chung hna. (VOA).

Pathumnak. Nihin Sandahpiah Ah Tam Tuk Nunnak A Liam. Nihin sandahpiahmi hna cu palik le ralkap nih an kah hna ruangah minung tamtuk an thi i, hliamhma a tuarmi le an tlaihmi hna zong an tam tuk tiah theih a si. UN Palai in Christina Burgener nihcun nihin sandahpiahmi hna chungin minung 38 an thi i hliamhma tampi nih an tuar tiah a chim. (RFA). (*Private facebook pawl ahcun 52 an thi tiah an langhter).

Palinak. Black Wednessday. Nihin cu sandahpiahmi a thimi an tam tuk caah “Black Wednessday” tiah an ti. Rangon US le Europe Embassy pawl nih ngaihchiatnak langhternak caah Facebook timeline ah a nakmi an tar cio hna. Panganak. Ralkap Nih UN Palai Ah Rian An Khanhmi Rian A Chuak Kawlram UN Palai a simi U Kyaw Moe Htun cu UN Meeting lio ah mipi (CRPH) lei in bia a chim caah ralkap lei nih a rian kan phuah tiah thawng an thanh.

Cucaah amah aiawk ah ralkap lei nih U Tin Maung Naing cu UN Palai ah rian an khanh. Asinain nihin ah U Tin Maung Naing nih a rian a dinhnak thawng Facebook ah a thanh. Paruknak. Los Angeles i Kawlram Ebassy Tuanmi CDM A Lut. California – Los Angeles i Kawlram Embassy ah a tuanmi Daw Myah Myah Kyi nih CDM ah ka tel cang tiah thawngthanhnak a tuah.

Pasarihnak. MRTV le MWD Channel Youtube Nih An Hlawnh Piak Hna: Ralkap nih an tlaihmi thawngthanhnak MRTV le MWD Facebook page cu Facebook nih an hlawnh piak hna i, nihin ah MRTV le MWD Youtube channel cu Youtube zong nih an hlawnh piak ve hna.(RFA) Thawngpang a rel manh lomi le Kawlholh thiam lomi hna caah siaherhnak nganpi he ka van in hrawmhmi hna a si i, midang caah na siaherh ahcun rak share ve cio khawh a si. Credit: Abraham Sang Nawl

Relchih: Kawl ralkap nih february nikhat thok in thahrum hmangin uknak an lak mi ruangah Kawlram miphun vialte hna cu kan umnak ram cio in Kawl ralkap duhlo nak langhter in sandah piah cio a si. Nihin tiangah Kawl ralkap duhlo nak langhter ruangah a nunnak a liam cang mi hna hi an tlawm ti lo. Minung tampi nih hliamhma an tuar cang hna I minung tamtuk hna cu thonginn ah hren khumh an si hna. Cu tlukin Kawlram miphun vialte hna nih Kawl ralkap kan duhlo ti langhter nak ah lamzawh in sandah piah cuahmah a si ko nain cheukhat cu ralkap leiah thazaang a rak pe mi zong an rak um ve rih hna.

Cun a bikin kan Lairam chungah CDM a lut duh lomi hna le a thlithup in zung a kai mi hna an um ve rih ko hna. A hleikhun in chim ah cun Hakha le Thantlang ah zung riantuan mi kan Laimi an tamtuk rih hna. Cu hna pawl cu Col. Solomon nih ralrin nak a pek hna. A rak tial mi cu a tanglei hi a si.CDM a tuah rih lomi hna theihternak. Nanmah lawng maw pawl a ngei. Na miphun hawi zeitin an hmai na khah hna? Paw ngei ve lo ah maw na ruah hna, paw loin na um sual lai. I ralring!!!” tiin Col. Solomon nih cun a rak tial hi a si. Hakha le Thantlang ah zung riantuan pawl zung a kai rih mi hna sinah a bikin ralrin peknak a si. CDM na luh ruangah rawltam in na thi hrimhrim lai lo.

Be the first to comment

Leave a Reply

Your email address will not be published.


*