LOHTLAU BAK SI. RALHRANG KAWLRALKAP AN MUALPHO CIKCEK

Ralhrang kawlralkap thluak cu khuaruahhar taktak asi ko. Video bak in an lih le hrawkhrawl in PDF an tlaihnak zuk bak in an i langhter. Video an i thlaknak lakphak dawr ah thilcang konghe pehtlaiin mit bak in a hmutu pakhat nih a chimmi cu an tlaih taktak mi an si lo. An mah le anmah lem an can sawhsawh mi khi a si. Ramdang kuat ding asi lo ahcun an thawngpang zamhnak ah an langhter dingmi asi tiah a chim.

Ralhrang kawlralkap hna nih cozah biatak tein tlaih dingin an i zuam cuahmah ve. Mipi dirkamhtu PDF thangchiatnak dingah an cawlcangh cuahmah lio a si. Kanmah doh dingah hriamnam an tlai i, kan doh ve hna. Ralkak hna nih tuni ah thluak an chuah i, tuchun ah video an i zeih. Mandalay khuapi Pyikyi Takuan peng Myawaddy Minkyi lampi ah a ummi Akamin lakphak dawr ah video an i thla.

Suimilam hleihnih hrawngah lakphak dawr ahcun PDF pawl tlaih bantuk in video an i zeih. Hi video an i zeihmi cu ramdang kuat ding asi lo ah anmah ralhrang kawlrakap hna nih thawngzamhnak ah thlah dingin an tuahmi asi lai tiah an zumh. Video an i thlakning cu lakphak dawr ah a ummi hna cu an luh hnawh i, hriamnam angeimi an tlaih hna.

Cu thil an tuah lio cu minung pakhat nih video in a rak lak hna. Hi bantuk thil hi a taktak cu sisehlaw angah lomi a si. Ralhrang kawlralkap hna nih thil an tuah lio video a rak latu hna hi an tlaih peng mi hna si. Asinain tutan cu zeihmanh an tuahmi a um lo. PDF thangchiatnak le anmah ralhrang mintthat nak ah an thluak an chuahmi asi tiah an chim.

Hi kongah a cunglei langhter bangin dawr pawng ah a ummi pakhat nih a chimmi cu hihi an tlaih taktak mi an si lo. an mah le anmah lemcang in video an thlakmi tu a si. Hithil an tuahmi hi ramdang kuat ding maw an mah thawngzamhnak ah thlah ding an timi asi ko lai tiah a chim ve.

Thawngpang Dnag. Apoiko. Salai Van Tha Cung ruak cu ralhrang kawlralkap hna nih a ruak zoh hmanh chungkhar an sianh hna lo. Ralhrang kawlralkap hna nih an tlaih mi Salai Van Tha Cung cu a nunnak aliam tiah theih a si. Salai Van Tha Cung cu a liamcia nizan June ni 25 ah khan hringtu a pa he ralhrang kawlralkap hna nih an tlaih hna tiah an langhter.

Tuni ah Salai Van Tha Cung cu a nunnak aliam tiah an langhter. Ralhrang kawlralkap hna nih Salai Van Tha Cung le hringtu a pa hi Tat Oo Thida sang Kalaymyo ah an tlaih hna. Salai Van Tha Cung hi Kawl min ah Ko Zaw Htet tiah an auh i, kum 25 minung te lawng asi rih. Ralhrang kawlralkap hna nih an timi cu covid zawtnak in a nunnak aliam tiah chungkhar hna sin ah thawng thanhnak an tuah. Thawngthanhnak an tuah hi tuchun ah a si.

Ralhrang kawlralkap nih chungkhar hna sin ah thawngthanhnak an tuah hnu ah chungkhar hna nih Salai Van Tha Cung ruak cu Khrihfa phungning tein vui kan duh tiah ralhrang kawlralkap hna cu an hal hna in an nawlpet hna. Sihmanhsehlaw ralhrang kawlralkap hna nih Salai Van Tha Cung ruak cu vuinak nawl cu chim loin a ruak hmanh an zohter hna lo.

Salai Van Tha Cung ruak an halnak konghe pehtlaiin neihniam pakhat nih a chimmi cu ralhrang kawlralkap hna nih Salai Van Tha Cung ruak cu kan khangh cang. Cu caah a ruak kan khanghnak a vutcaam cu thaizing ah rak la te uh aa kan ti tiah an chim. Ralhrang kawlralkap hna nih atu bantuk in nizan ah an tlaih komi tuni ah covid zawtnak in a nunnak aliam tiah an timi hi cu zumh khawh dingmi a si lo.

Min Aung Hlaing sualnak vialte cu piahkhan ah zohkhawh dingin timhtuahnak an ngei. Ralhrang kawlralkap pawl ICC ah taza cuai dingin tehte ting 4 renglo kan ngei cang tiah NUG nih an thanh. NUG nih ralhrang kawlralkap sualnak ting 4 renglo an ngei ko nain zohfelnak thatein kan tuah tthan lai i, International Standard he aa tlakmi tehte 200 hrawng lawng ICC ah kuat a si lai tiah a chim chih.

Be the first to comment

Leave a Reply

Your email address will not be published.


*