LAI NAWNG RALHRANG NIH THANHNAK AN TUAH TTHAN CANG

Ralhrang kawlralkap an zia a chuak tthan hoi. Ramchung mipi nih cun zumh khawh ding asi ti lo. Aruang cu ralhrang kawlralkap hna nih kahdohnak kan ngol or kan i din tiah thanhnak an tuah hi a tlawm ti lo. Asinain kahdohnak cu pehzulh in an tuah tthiamthiam peng. Tutan ah ralhrang kawlralkap nih an thanh mi cu Kahdoh nak cu thlakhat kan i din chap tiah an langhter.

Tlangcung hriamnam tlai hna he remnak tuah khawh nak ding caah tiah ralhrang kawl ralkap lei nih I kah doh nak cu a ra laimi June ni 30 tiang thla khat chung kahdoh nak um la loh tiah ralhrang kawl ralkap lei nih tuni May thla ni 31 ah ca an chuah. Hi I kahdoh nak I dinh lio ah hin NCA ah min a thu cia mi le a thu rih lo mi tlangcung hriamtlai pawl hna he remdaih nak kong I ruah kho ding in kan duh tiah an ca chuah mi ah cun an talh chih.

A ra lai mi thaizing June ni khat thok in ram pumpi sianginn pawl awn ding asi caah ralhrang kawlralkap lei riantuan nak ah hna a hnawh mi pawl cung dah ti lo ah cun kah doh nak kan tuah lai lo tiah an chim rih. A tu lio ah ralhrang kawlralkap lei le NCA ah min a rak thu cang mi KNU karlak ah kahdoh nak a um lio asi pin ah NCA ah min a thu lo mi KIA uknak hmun pawl zong ah ralkap he kahdoh nak a um len lio asi tiah an langhter. Tukdohnak kan ngol an timi hi an thluak asi tthan ko hnga lo maw?

Myanmar military gets billions from profitable business: Amnesty | Human  Rights News | Al Jazeera

Thawngpang Dang:Chinram chung ah ralhrang thiltuah cu lung afak hringhran ko. Chinram Mindat peng Esakhan khua ah a lan (Flag) rang an thlaimi ralzam hna an umnak sakhan cu ralhrang kawl ralkap lei nih hriamnam ngan in an kah hna tiah an langhter. Chinram Mindat peng Esakhan khua ah a um mi aa-laan rang an thlai nak ralzam sakhan cu ralkap lei nih hriamnam ngan hmang in an kah hna.

Ralhrang hna nih ralzam umnak hmun an kah hna caah khuami pawl hna cu ruah sur lak le ttho lakah an zaam hna i, harnak an tong tiah Mindat khuami hna sin in theih asi. May thla ni 29 le May thla ni 30 zaan tiangah ralhrang kawl ralkap lei le PDF karlak ah I kah doh nak a um I May thla ni 30 zing lei ah Mindat-Kanpalet peng Khuai Lungta, Ma Cia khua hna ah ralhrang kawlralkap lei nih PDF lei cu an vun kah hna.

Cubantuk in ralhrang kawlralkap hna nih Chinram rungvengtu CDF pawl an kah hna caah Mindat ah a um mi PDF lei nih an kah ve than hna tiah theih asi. Cu I kahdoh nak ah cun Ralhrang kawl ralkap lei minung 6 an thi I an hriamnam 3 cu PDF lei nih an lak khawh tiah PDF lei nih thawng an thanh.

Be the first to comment

Leave a Reply

Your email address will not be published.


*