KNU RALBAWI NIH FIANG TEIN A CHIM CANG, KHUAPI LAK AN TIMH TI ASI CANG

Nawlngeihnak latu ralhrangbu bawizik changtu Vice-Senior General ဒု-ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး) Soe Win cu Mon ramkulh Thaton khuapi hrambunh Brigade 44 ah a phan tiah theih a si. Hika tiang a phanhnak cu kahdohnak tlangtlak dingah a si tiah KNU Brigade-1 in ralbawi pakhat nih a chim. Thaton ah um in kahdohnak ah a tlangtlak hna lai tiah thawng kan theih” tiin KNU Brigade-1 in Bohmuci pakhat nih a chimmi a si.

KNU Brigade-1 hmunhma ahhin nifatin tein kahdohnak a um lengmang, tiah a cunglei i KNU ralbawi nih a chim chap. Vice-Senior General Soe Win hi Mon ramkulh Thaton a phanh hlan, August 19 ah khan Karen ramkulh Hpa-an a kal i kahdohnak kongah tlangtlaknak a ngeih hna, tiah Hpa-an khua i SAC ralkap chungkhar hna he aa naihniam mi nih an chim. KNU le PDF nih Myawaddy khuapi an lak lai timi thawng a than caah ralhrangbu nih KNU Brigade-5, 6 le 7 cu biatak tein nam an timh tiah theih a si.

Atu hi Karen le Mon ramkulh ah ralhrangbu nih ralkap thazaang an chap thluahmah. Mon ramkulh Bilin peng Siwei (စည်းဝေး) khua pawng i miakpi kaptu bu (အမြောက်တပ်) umhmun ah hriamnam tam nawn an bunh cang tiah KNU Brigade-1 in ralbawi nih cun a chim. Vice-Senior General Soe Win khualtlawnnak kongah ralhrangbu lei nih cun zeihmanh thanhmi an ngei rih lo. Credit: TCP

Cabia Dang: Rung Lian Ceu Vs Biak Hmun Sang. Ahmasa bikah tubantuk in miphun caah paih a kan tolrelpiaktu cungah lawmh lo awk a tha lo, kan mino hna caah kan nunphung ah biatak thannak a tuahtu nan si hlei ah tulio ram buainak kongah CDF caah nan thapi nan vun chuahmi hi upatnak kan in pek hna.Tutan kan pathawng RLC le BHS paih cu zoh an dawh. Zoh an dawh lawng siloin CDF caah $5,000 bak sungh zongah awng zongah nan chiahmi nih nan i paihnak pinlei ah tulio ralhrang hna sinin teinak kan hmu hrimhrim lai tiah ruahchannak zong kan ngei ko, upatnak kan in pek hna.

Rung Lian Ceu hi champion kumsaupi a la cang nain huatu le raltu a ngei lai ka zum lo, aruang cu biachim holh rel ah ralring tein le mi tangdor tein bia a chim zungzal mi nih Laimi thinlung ah hmunhma a tuk. A thawnnak pin leiah sikan zong a ngei ngaimi a si lai timi cu a pumrua le muihmai ah a langh ngaingai. RLC hi upat tlak le bochan tlak Chin pasaltha a si. Biak Hmun Sang hi mino te asi rih i a caah vawleithar cuanh dingmi tampi a um rih, tunak in tampi a thangcho chinchin rih lai zumh aum.

Izuamnak thinlung a ngei, a pumrua nih a tlinhtuk fawn, miphun ah ai fiang fawn caah hi bantuk mino hi tampi in Chun miphun chungah chuak kho hna sehlaw saduhthahbik cu asi ko. RLC VS BHS hi an muihmai zong an i lotuk ka ti kei cu, cun Laimi ai pai mi chungah ka uar bik veve hna, a ruang cu mithangzaang an i rinh lo, a chingsuai an hmang lo, caanraulo te ah anmah nih lak hmasa a hmang veve mi bak an si i anmah pahnih an i paihnak paoh cu arau bal lo. Zei asi hmanh ah tei caan le sungh caan a um, miphun caah nan thazaang pinah nan phaisa nan thawhmi hi a zaa tuk cang. Hmailei zongah kan paih piak lengmang ko rih ulaw. Credit:Chelsea Bawi

Be the first to comment

Leave a Reply

Your email address will not be published.


*