KIA Nih Kawl Ralkap A Tomtom In Lampi Ah An Thah Thluahmah Hna.

Kachin ramkulh, Bamaw pengkulh in DawhPhong Yan lei ah a kal mi Ralkap motor 21 cu tuzaan lei ah khan KIA nih lampi in an rak bawh hna i ceilak an phomh hna tiah Kachin thawngpang a tial lengmang tu 7Star News nih a tarlangh.Nihin zaanlei suimilam 3:45pm hrawng ah khan KIA Tatmaha (3), Tatzin (24) nih phu hnih in an rak bawh hna hi asi. Ralkap lei hi motor 21 in an rak ra i motor pakhat ah a tlawmbik ralkap 25 cio hrawng an i cit ti a si.

9.KIA-desert The Irrawaddy

7Stars News nih a tarlangh ning ahcun “Ralkap pawl cu KIA doh ding in thazaang an rak chap mi asi. Motor 21 in an rak ra i KIA nih lampi in an rak bawh cio hna caah faktuk in an doh colh hna. Cu ahcun Ralkap motor 6 cu ciam dih lak in a kaang i motor 21 in a rak ra mi ralkap cu an za te nawn in an nunnak a liam dih” tiah a langhter.

Hi ralkap pawl hi Bamaw khuapi tiang Vanlawng in an rak chiah mi hna an si. Cun Bamaw in KIA doh ding ah tiah Motor 21 in an rak chuak hna. Motor pakhat ah hin ralkap 25 cio hrawng an i cit. KIA lei nih an thawngpang an theih caah lampi in an rak bawh cia ve hna i hmaitonh in an phomh colh hna hi asi. Ralkap cu an za te nawn in an thi, cun motor 6 cu KIA nih ciam dihlak in an kah, Mei in an khangh dih ti asi.

Be the first to comment

Leave a Reply

Your email address will not be published.


*