KHAH ZUMH BAK LO DING SI LAI HIH, AN THLUAK LAWNG SI CANG

Catialtu Saya Tluang Ceu Thang: Kawl ralkap nih kahnak kan ngol lai an timi hi thawngtha ah ruah ding si lo. Ralkap an mihlennak hi i zumh len ding si lo. Ralkap lei nih May thla chung cu kahnak kan ngol lai tiah thawng an zamh. Cucu Laimi tel in cheukhat nih thawngtha tuk ah kan ruah sual. A zei thawngtha nemnam An mihlennak kuat a si.Kahnak kan ngol lai hi tutan lawng si lo.

Hlanpi in an rak chim pengmi a si. Nain an dai bal taktak lo. Tlangcung ralkap phu khat khat kha fak pi in tuk a duh tikah kahnak kan ngol lai a ti zungzal. Ee sitak a tha tuk tiah hnangam tein mi um lio ah tlangcung ralkap phu khat khat kha ceilak in a tuk tawn hna. Tutan kahnak kan ngol lai timi zong hi lih a si. Zumh ding a si lo. Hi kong ah Kan kut daih ter ding si lo.

Thawnter deuh leh lam ding si. An tha a dih cuahmah. Anmah le anmah an i kap. An lung dong cang. Biatak in nam chih ding an si. Kahnak kan ngol lai a ti nain KIA cu vanlong 8 bak in a kah ko. KNU zong a kah thiamthiam. Ralkap an i phazo ti lo i KIA hi biatak in a ralkap vialte hmang in kah a duh i si kho. Zeicahtiah KIA nih a thami le an sakhan a lakmi a tamtuk. Nifatin ti awk kawl ralkap sakhan an lak.Cucaah zeibantuk tuni ralkap an thawngzamh kha i zumh sual lo ding si. Kawl ngian an mi lemnak bak a si.Credit: Tluang Ceu Thang

May be an image of 1 person

Thawngpang Dang:Ralhrang kawlralkap nih KIA hriamtlai cunglei raltuknak vanlong hmang in an kahnak konglam vialte KIO/KIA in chimnak nawlngeitu ralbawi Naw Bu nih thanhnak atuah cang. Ralhrang kawlralkap hna nih cunglei raltuknak vanlong in KIA cu an kah cuahmah rih hna. KIA hriamtlai battalion 25 hna cu ralhrang kawlralkap nih cunglei in voikua bak an kah cang hna.

Hi konghe pehtlaiin thanhnak an tuah mi cu, ralhrang kawlralkap hna nih Momauk khuapi ah a ummi KIA battalion 25 hna cu cunglei raltuknak vanlong hmangin an kah hna i, voikua asi an kahnak hi a si cang. Cun a tuzong an kah ko rih hna tiah KIO/KIA in chimnak nawlngeitu ralbawi Naw Bu nih zapi theih in thawng thanh nak a tuah cang.

Hi khua ah a ummi ralhrang kawlralkap hna zong nih hriamnam ngan in KIA an kah hna tikah KIA hriamtlai hna zong nih hriamnam ngan in an kah ve hna tiah a chim chih. Asinain ahmun le hma ramtang taktak ahcun i kahnak cu a um hraw lo tiah a chim chap. Afiannak dingah cun ralhrang kawlralkap hna nih alantlang in an kah hna i, hriamnam ngan in KIA zong nih an kah ve hna tinak.

Atu bantuk in hriamnam ngan i kahnak a chuah tikah Nizan ah khan ralhrang kawlralkap hna nih khuachung ah hriamnam ngan an kahmi a tla i, khuachung a ummi minung pakhat zong a nunnak aliam i, hlaim a tuarmi nu pakhat zong hliam a tuar tiah theih a si. KIA battalion 25 ralhrang kawlralkap nih cunglei an kah hna nak hi niruk a si cang tiah an chim.

Be the first to comment

Leave a Reply

Your email address will not be published.


*