Kawlram Nu Pawl Ralhrang Nih An Tining Hna Hi Cu Celh Awk Atha Loh.

Kawl ralkap nih nu an tlaih mi hna pawl an sual pi hna. Tulio kan ram buainak ah nu an tlaih mi hna pawl ralkap nih an sualpi hna. Kawlram cu ralkap nih uknak an lak hnu ah mimung tampi an tlaih cang hna. An tlaih mi hna lak ahhin nu tampi an i tel i thong an thlak mi hna zong tampi an um hna.

Kawl ralkap nih an tlaih hna i hi nu pawl cu zan ah a dang tein ralkap pawl nih an auh hna i an kalpi tawn hna. Zan deuh ahhin an auh hna i an kalpi hna. Nungak zeimaw cu an phone chung ah tlangval he an rak ihnak hmanthlak hna a um. Cu pawl cu ralkap nih hramhram in video an piah ter hna.

Ralkap nih an chiatha siseh, an hnuk siseh an tuaitam piak hna i an sualpi mi hna zong an um tiah ralkap he ai naih niammi pakhat nih media pawl sinah a chim.Hi bantuk in nu pawl nih thong chung ah sersatnak le sualpinak an ton hi a poi taktak. Zeitin tal in bawmhchanhnak lam an um hnga maw tiah kan i zuam cuahmah lio a si tiah nu covo lei le nu dirkamhnak rian a tuantu hna nihcun an chim.

Kawl ralkap nihhin an tlaih mi hna hi pa zong fak piin an hrem hna. Thi lak zong in an hrem hna. Nu zong an hrem hna i an sualpi hna. Hi bantuk in ralkap nih sualnak an tuah tikah an cung lei bawi sin in dantatnak zeihmanh a um lo.

Be the first to comment

Leave a Reply

Your email address will not be published.


*