KAWL RALHRANG PALEK PAWL DIRHMUN AN LANGHTER CANG

Palek Chungin Minung Thonghra Leng Covid -19 Zawtnak An Ngei Rallokap kuttang ummi palek riantuan thonghra leng Covid -19 zawtnak an ngei tiah Kawlram pumpi palek lutlai zung in theih a si.Kawlram palek lutlai zung Naypyidaw i rian a tuan mi palek bawi pakhat nih June thla dih in July 20 tiang cazin zoh chih in palek minung thonghra leng hi Covid -19 zawtnak an ngei tiah a chim.

A ngei hi Yangon, Mandalay, Napyidaw, ah an tam bik.A dang ram le peng hna cu a um cu a um ve ko nain kan ngei lai ti theih ko nain ralrinnak tha te an ngeih lo ruang a si tiah a chim.Covid -19 i runven khawh nak caah ramthen le pengkulh hna ummi palek zung hna ah nifatin zawtnak a chawnmi cazin cu Vuanci sin ah va thanh a si.

A luancia July zarhkhatnak ah Ayeyarwaddy peng lei ah Tapawng palek umhmun ah Aithing hang cu hrai pakhat i hrawm in palek inn ah a ummi vial te din ter dih an si caah mipi nih zumh lo nak a tam chinchin.Palek chungtel chungah a tambik zawtnak an i chawnhnak hmun cu mitam pi umnak rallokap pawl Training an kai nak le palek kan um nak inn veng hna hi a si. TCP

Myanmar police fire on protesters in ancient former capital - Times of India

Thawngpang dang: UNHCR Nih Mindat Khua Ralzaam Caah Hlutmi Thilri Cheukhat A Kir Than Lai Nizaan ah Mindat khua ah a phan mi UNCHR bawmhnak thilri hna cu ralhrang rallokap nih khuachung um ralzaam ca lawng ah pekding in nawl an pek hna i, khuate lei ralzaam cu peknak nawl an pek hna lo caah Bawmhnak a phanmi thilri cheukhat cu an kir pi lai tiah khuami hna sin in theih a si.

July 19, Mindat khua ah a phan mi UNCHR bawmhnak thilri pawl cu , rallokap he pehtlaih in a phan mi a si ko nain ralhrang rallokap phu hna nih ralzaam tlawmpal lawng phawtnak nawl an pek hna caah a tang mi thilri vialte cu kirpi ding an si. Atu i a lut mi hi kan mah he a pehtlai mi a si lo, SAC nih lutko seh tiah an ti zat ning in a lut mi a si” tiah Mindat ralzaam sakhan in rian ngeitu pakhat nih a chim.

Mindat khua chungah ralzaam umhmun khuarnak sakhan 8 a um nain, minung cun 299 hrawng an si, a dang ralzaam a thong leng cu khuate lei ,ramlak ah tambik a zaam mi an si tiah theih a si.Inn ah a kir mi ralzaam hna le khuate lei a zaam mi hna cu pek an si lo tiah ralhrang rallokap lei nih an ti hna caah thilri cu kirpi si lai ” tiah kan theih tiah Mindat khua mi pakhat nih a Facebook ah a langhter.

Mindat peng khuate lei ralzaam hna caah eidin le sii ai emergency in a herh caah ICRC le WFP tibantuk phu hna cu i pehtlai in bawmhchanhnak ah pehtlai in bawmhnak an pek ko hna na in ralhrang rallokap phu hna nih an lung tlin lo caah an lut kho lo tiah ralzaam lei in rianngei pakhat nih a chim.

Rallokap nih ramkip he pehtlaihnak phu ,bawmhnak pek cu a phih lawng si lo in ramchung zong ah Mindat peng chung lutmi zong rikhiah nak a tuah. Facang zong an mah rallokap nawl onhnak lawng in phorh a ngah, nawl onh nak tel lo le rikhiah piak mi nak tam an phorh ahcun an lak piak hna. Sii ai hrim cu phorh nak nawl a um lo , an tlaih colh” tiah khuami pakhat nih a chim. TCP

Be the first to comment

Leave a Reply

Your email address will not be published.


*