Kawl Ralhrang He I Kahdohnak Ah CNA Tam Ngai Hliam An Tuar.

Kachin ramkulh ah KIA le Kawl ralkap pawl fak tuk in an i kap. KIA camp Alaw Bum cu Kawl ralkap battalion tampi nih an kah i Vanlong zong in an kah. Nihin cun ni 6 le zan 6 an i kahnak a si cang. Kachin ramkulh KIA sinah hin kan mah CNA Chin ralkap zong tampi an um ve i ral an do cuahmah ko hna. Raltuk zong an thiam ngai tiah CNF upa pakhat a simi Denial Sakhong nih Chin Post he biaruahnak ah a chim.

“A tulio Kachin ramkulh ralkap tuknak ahhin a tlawm bik CNA battalion pahnih an um. A zat taktak chim cu a tha lo. Kawl ralkap he i kahnak ah CNA pakhat nih mual a kan liamtak. CNA minung 4 hliam an tuar i a tu sizung ah an um thlopbul cuahmah an si. Thlacamnak in bawm hna usih” tiah Denial Sakhong nihcun Chin Post he biaruahnak ahcun a chim chap.

Tuni Ah Kawl Ralkap Le CNF/A Tonnak An Nei Lai -
“CNF hi kan um sawhsawh lo. Ralkap uknak hi fak piin kan doh ko. Kachin ram ah ral kan do cuahmah ko. Kachin cu kan unau an si caah an mah he rian kan tuan tti zungzal” tiah CNF upa Denial Sakhong nihcun a chim.“Cu ruang ah a tu CNA nih ralkap tampi kan herh. A duh mi poh luh khawh a si. Kum thum ca zong in luh khawh a si.

Ramleng ummi Chinmi le Khrihfabu zong nih an kan bawmh cuahmah. Biatak tein kan ram caah riantuan ko hna usih. Lungrual tein tuan ko hna usih” tiah CNF upa Denial Sakhong nihcun a chim.Kawlram cu ralkap nih uknak an lak cang. Thla 4 chung deng uknak an lak chung ahhin sualnak ngei lo mipi minung 800 tluk ralkap nih an thah cang hna i minung thong tampi an tlaih cang hna.

Arakan Army Tluk In CNF/A Ralkap Tthawnter A Herh Maw? - Khuaruah Har News

Kalay peng ah Chinmi minung 21 zong an nunnak a liam cang. CNA le Kawl ralkap zong ruah lo pi in ai kap kho dirhmun ah an um. Cu caah Chin miphun hna nih lungrual tein um a herh. Ralring tein le timh cia tein um a herh lio can a si. Kawl ralkap hi kan ruah ning tluk in an thazang a thawng lo. Biatak tein tlangcung hriamtlai dihlak nih kah ahcun tei khawh mi an si ko.

Be the first to comment

Leave a Reply

Your email address will not be published.


*