Karen Hriamtlai (KNU) Nih Taton Ah Kawl Ralkap Tatma Hmu 44 An Thah Hna.

Mon Pyine, Thaton ah KNU Ralkap nih Kawl Ralbawi (44- Tatma Hmu) an thah tiah an langhter. Kawl Ralkap cu mipi cungah zawnruahnak le dawtnak an ngeih lo lio caan a si i, an hran chin lengmang lio a si. Hibantuk caan lio ahhin thawngttha ngai a si mi cu NCA ah min a thu mi Hruaitlai Phu an hruaitu upa deuh pawl cu Kawl Ralkap do ding in ceihmainak le lungtlinnak an ngei cang tiah theih a si.

A tu ahcun Kawl Ralkap do ding in timhtuahnak a ngei mi Hriamtlai Phu hi Phu 5/Phu 6 an si cang. KNU, KIA, RCSS, TNIA, ZRA (Chin) Karen pawl an si hna. Hi Hriamtlai pawl an minung dihlak fonh ah Tingkhat le cheu hrawng an si. Hi Hriamtlai Phu chungahhin KNU le KIA nihcun Kawl Ralkap cu an ci kan hmih hna lai tiah an chim bal cang. An chim ning bantuk in tutiang hi an i kap peng i, Kawl Ralkap cu tamtuk an thah cang hna.

KIA Hriamtlai Phu cu Kawlrampi dihlak aiawh bak in Ralthawh ding hi 95% dirhmun an phan cang tiah an chim. KNU Ralkap zong nih Kayin ramchung mipi ca lawng si loin Kawlrampi dihlak caah rian kan ngei cang tiah an chim ve cang. Mipi an himnak ding hi biapi in kan tuan lai. A tu caankhat chung Vice President a chim mi he zong aa pehtlai kho ngaingai.

Free Ranger Burma tiah auh mi Hriamtlai Phu zong Thailand-Myanmar Ramri ah an phan cang i, hmunhma an la cang ti si. KNU he an i fonh i, KNDO Phu zong nizaan ah an Ralbawi pakhat Sandah piah mi mipi pawl a zulh ve hna nak cu hmuhkhawh a si. Dr. Sa Sa bawmhhalnak thawng in Myanmar chuak mi US ah Ralkap rian a tuan mi hlun thawngkul leng zong nih doh ding in timhtuahnak an ngei ti si. US Thailand Ram Ralkap Sakhan zongah a herh mi Hriamnam tampi a phan cang ti si. KNU Ralkap Sakhan zongah Hriamnam thar tampi a phan cang ti a si. KNU Ralkap Tatmaha 8 nih Myone kip ah Sakhan kan chiah lai ti si. Mahtin thawngthanhnak a tuah tik ahcun Kayin ramchung Khuate cheukhat cu a himnak dingah a zaam mi zong an um cang ti a si.

Be the first to comment

Leave a Reply

Your email address will not be published.


*