GOOD NEWS: RUSSIA ZONG A LUNGDONG CANG HIH, KAWLRALKAP CU I CEI HNA SEH

Kawlralkap caah thawngpang chia taktak a chuak cang. Kawlralkap thiltuah mi kongah Russia zong an lungdong ruangmang ve ko cang. Kawlralkap he pehtlaihnak or ttuantinak an ngeihmi zong kan chah khawhmi asi tiah an chim cang. Theihcio bangin Kawlralkap adirkamh mi chungah Russia abiapi ngaingai mi pakhat asi. Russia nih cuhlan ahcun Kawlralkap a dirkamh hna.

Sihmanhsehlaw atu ahcun lung-aw ttawm in an um ruangmang cang. Tulio kawlram chungah a cangmi thil cu ruahnak lengin a zualhma ngaingai cang. Hi bantukin kawlralkap tuahsernak ruangah thil a cangmi konghe pehtlaiin Russia cozah nawlngeitu pakhat nih a chimmi cu Kawlram thilcang hi thinlung akhoih taktak mi thil asi ko tiah Russia nih cun kan ruah tiah a chim.

Cun zei sualnak ngeilo mipi an thi lengmang sual lai timi hi kan thin aphang ngaingai ko tiah Russia presidential Security office spokesman Dmitry Peskov nih thawngzamh tu hna sin ah a chim. Kawlram dirhmun hi thinphang asi kan theih i, dottletnak kan tuah cuahmah lio asi. Sualnak ngeilo civil an thih chin lengmang mi thawng kan theih tikah kan thin aphang ko tiah a chim rih.

Kawlram ah a cangmi thil hi Russia caah thinphang ngaimi pakhat asi i, thil a cangmi hi thatein kan cuanh ko i, Kawlralkap he ralkap lei ah ttuanttinak kan ngeihmi zong hi ngol ah a ttha lai maw timi kan i ruah cuahmah lio asi tiah a langhter chih. Kawlralkap nih uknak an lak hnu ah tutiangah theihkhawh mi chungah minung 70 renglo nunnak aliam cang i, minung thonghnih hrawng an tleih cang hna tiah theih asi. Credit. PM

Salai Lairamthang:Minung Kan Sinak Man A Dang Tuk! Nikum i US palek nih an tlaih i, mirang palek, Derek Chauvin nih a hngawng ah a rial chih i, an thimi George Floyd chungkhar hna cu MINNEAPOLIS City Council nih US$ 27millio liamh ding in nizan ah biachahnak an tuah.A ngaingai tiah cun Geroge Floyd timi minak pa hi mitha a si lem lo. Voi 10 tluk thong a tla i tazacuai a tong bal cangmi a si.

An tlaih lio zongah phaisa hleng a ken caah an tlaihmi a si. Asinain palek nih an tlaihhnak in a thimi a si caah a phungning bantuk tein pelek pawl cu tazcuai an tong. Minneapolis City Council cu palek pawl an tuahsernak ah tuanvo latu bik an si caah atu bantuk in George Floyd chungkhar hna cu $27million an liamhnak hna a si. Chim duhmi cu US ah minung sinak man a ngeihning le minung sinak man a fahnak kha ka chim duhmi a si.

Kawlram ahcun ralkap nih zeihmanh sualnak a ngei lomi minung an thah cuahmah hna, thah lawng hmanh an i za lo, an chungril vialte zong an hlai i an fir rih, mah tiang zong an i za rih lo, an ruak tiang an hlai rih hna. A ruak zong a thimi chungkhar hna nih amah nawl in ruak fimnak nawl hmanh an ngei lo. Pale nih phaisa liamh cu chim lo, a thimi chungkhar nih zei poah tuanvo laak a si.

Uktu chia, uktha tha lo, rule of law a um lonak ram i nun hi nun man ngei lo kan si. Tulio Kawlram ah hremnak, tukvelhnak a temtuar mi vialte hna nih teinak an co hna sehlaw kan ram ah daihnak le zalonnak leng hram ko seh. Mithat lainawng hna nih an tuahsernak man hi an thih hlan lo liam ve hna seh. Credit: Salai Lairamthang.

Be the first to comment

Leave a Reply

Your email address will not be published.


*