Breaking News : KIA Nih Myitkyina Khuapi Palik Sakhan An Kah.

Myitkyina khuapi palik sakhan an kah. Nihin April 11,2021 zan sml 7:30 hrawng ah
khan Myitkyina khuapi palik sakhan an kah tiah theih a si. Kachin ramkulh Myitkyina khuapi ah a ummi palin sakhan cu April 11,2021 zan sml 7:30 hrawng ah khan hriamtlai nih an kah.


Pawngkam mi hna nih an chimnak ahcun palik sakhan ah meithal puah thawng le bomb puah thawng
voi tampi a thang. Palik sakhan ah kahnak a um tiah an chim. Tuzan palik sakhan a kap tu hna hi zei bantuk hriamtlai an si timi theih a si lo nain KIA an si lai tiah zumh a si. Kan hnu ah khan Myitkyina khuapi pawng te ah ralkap Motor cu KIA nih bomb in an rak cheh bal cang.

KIA hriamtlai nihhin Myitkyina khuapi tiang ah an luh hnawh cang tinak a si. Myitkyina palik sakhan
tiang an kah cang caah Kachin ramkulh hi KIA nih biatak tein lak dih an timh cang ko rua. Kachin ramkulh ah KIA le Kawl ralkap hna kar ah biatak tein kahnak a chuak. Nifatin ti awk tluk in an i kap i KIA nih ralkap le palik sakhan tampi an lak cang hna .Nihin Alum Baw sakhan kahnak zong ah Kawl ralkap nih raktuknak Jet ghter pahnih an hman i bomb an thlak hna. Kawl ralkap le KIA kar ah fak ngai in raltuknak a chuah lio a si.

Be the first to comment

Leave a Reply

Your email address will not be published.


*