BREAKING NEWS : KIA Nih Kawl Ralkap Sakhan Pakhat An Laak Thaan.

A ni peh in Kachin ralkap KIA le Myanmar ralkap hna cu Kachin ramchung hmun kakip ah an i kap lengmang i an boruak a sang chin lengmang cang. Ralkap cu ramri ralkap an si tikah an thazaang a tam i an ralthuam zong a ṭha tuk nain, KIA pawl nih an i ralrin lo lioah an tuk lengmang hna i an sakhan pakhat an lakpiak hna.

Tuni March 15 zingah KIA cawlcanghnak hmun cu Kachin ramkulh Hugawng ram, Warazup khua pawngah ah ummi ralkap sakhan ah a si. Ralkap pawl ih caan zinglei suimilam 2:00AM hrawngah KIA ralkap nih kawl ralkap cu an umnak hmun ah an i ralrin lo lioah ruah lo piin an va tuk hna i cuticun kaphnih in i kahnak a chuak colh.

Pawngkam ummi khua hna nih an ikahnak thawng meithal kahnak thawng zong an rak thei ve i zinglei suimilam 2:00AM hrawngin an i kap i zinglei suimilam 5:00AM hrawngah an meithal kah thawng a dai tiah an chim. Hi i kahdohnak ah KIA nih ralkap umnak hmun sakhan cu an chuh khawh hna tiah Kachin thawngzamhnak nih cun ataar.

Kachin ramkulh chungah ralkap umhum khuarnak (sakhan) hmun tamtuk an ngei nain, tutan ah Kachin ralkap KIA pawl nih ralkap sakhan pakhat an lak khawhmi cu miipi thazaang ṭhawntertu thil pakhat a si.

Source: Kachin News

Be the first to comment

Leave a Reply

Your email address will not be published.


*