AN I TIM CUAHMAH CANG, FAK DEUH IN I KAHNAK CHUAH DAWH SI

Chinram Mindat ah tukdohnak fak a chuak colh lai tiah an chim thanh. Hi konghe pehtlaiin Salai Yaw Mang nih a chimmi cu, A tu rih ahcun pakhat le pakhat karlak ah dirhmun i cuanh asi i, atu hi cu kahdohnak a um rih lo nain kahdohnak a um colh ko lai ti a fiang ko. Aruang cu ralhrang kawlralkap lei hna cu an thaazaang thawng chinchin dingin mipi an i khawmh cuahmah lio a si.

Mipi an i khawmh cuahmah lio a si bangin hriamnam zong an i timtuah cuahmah caah tukdohnak an tuah colh lai timi a fiang ko. Cawlcangh ning cang hi atu kan zohcuah mah lio a si ve tiah a chim. Hi konghe pehtlaiin a liamcia an i tukdohnak konghe pehtlaiin a chim tthan mi cu, August ni 25 i kahdohnak ah kanmah lei in minung pahnih nih ram le miphun caah nunnak an pek.

Minung pakhat cu a paw an kah i, a dang pakhat cu ramtang ah a ruak in kan hmuh. Nai August i kahnak ah khan cu ralhrang kawlralkap lei in a thimi um dawh an si lo tiah a chim chih. Mindat CDF lei zong a tu ahcun a hlan bantuk an si ti hna lo. Kahdohnak caan a sau bantukin i tukdohning le thilsining zong tampi an thei cang ti a si.

Cabia dang:Klinik Kesihatan Ampang (Tuni 28-Aug-2021 Saturday Sichunhnak Hmun). Thawng kan in thanh cia hna bantukin tuni (28-Aug-2021) ah sichunh ding kha Klinik Kesihatan Ampang ah 3 pm in i chunh a si lai. CRC ah min cazin petu nan zate kal ding le tlolh lo ding thanh kan in duh hna. Min list ah aa tel lomi cu kal a ngah rih lo. Nizan zanlei tiang sichunhnak hmun a kan halmi zong nan um pah len nain tawlreltu lei nih an kan thanh rih lo caah tuzing thawngpang kan theih le cangka tuin kan in thanh khawh ve hna. Lungsau i cuh buin a ruah zia nan thiam cio ding zangfah nawl kan in duh hna. Crdit: Chin Refugee Commuinity Malaysia

Be the first to comment

Leave a Reply

Your email address will not be published.


*