ALAWBUM SAKHAN LAK DINGIN RALKAP NIH RANG AN HMAN CANG

KIA tthuat dingin ralhrang kawlralkap rang pawl Alawbum tlang lei ah an kal cang. Ralhrang nih rang cu an hriamnam tling an phurter hna. Moe Mauh peng ah a um mi Alawbum sakhan doh dingin ralhrang kawlralkap nih thaazaang an chap cang hna. Ralhrang nih rang 25 renglo an hmanmi cu atu hi Nuam Lenh ah a um mi sakhan (438) ah ralkap nih an chiah cang hna tiah theih asi.

Hi konghe pehtlaiin pawngkam a ummi nih an chimmi cu Nizan May thla ni 28 chun hnu suimilam pathum hrawng ah rang arak phur mi mawtaw 8 cu lampi an tan kan hmuh tiah pawngkam um mi khuami hna nih an chim. Rang a phurmi hi mawtaw 6, rang rawl a phur mi mawtaw 1, rang congtu ding a phur mi mawtaw 1 an kal kan hmuh hna tiah a chim rih.

Kan theih tawk ahcun Alawbum lei ah hriamnam phurhnak ding caah hi rang pawl hi hman an timh hna caah asi. Furpi ahcun lam a that lo caah mawtaw kal a har pin ah KIA lei nih ralkap lei an mawtaw cu an kah piak peng hna caah rang hman an I timh hi asi tiah pawngkam um mi nih an chim. Mah rang pawl lak ah 10 cu hriamnam tling phurhter in tu zing May ni 29 zing lei 4 hrawng ah Alawbum tlang lei ah an kai tiah theih asi.

Ralkap lei nih Alawbuam cu lak than an duh caah ni tin in ralkap thazang an chap peng I a tu ah cun ralkap le brigade 88,77 le 55 an I fonh I ralkap thazang 2000 hrawng an si cang tiah theih asi. Alawbuam tlang ah a rak kai mi ralkap lei cu KIA le AA I fonh in an kah ve hna caah punghman in ral doh nak a um peng tiah theih asi.

Thawngpang dang. Paletwah ah ralhrang kawlralkap nih an tlaihmi hna Chin mino minung 10 hna cu an luat rih lo.May thla ni 28 zinglei nazi 7:30 hrawng ah Paletwah khua chung hmun hnih ah bomb a puak mi konghe pehtlai in biahal ding kan in ngei hna tiah ralhrang kawl ralkap lei nih Chin mino minung 10 hna cu zahan le tuni ah an tlaih hna I tu zaan lei nazi 4 tiang ah an thlah rih hna lo tiah theih asi.

An tlaih mi hna cu Ko Aih Htun Min (singer), Ko Chan Moe (Ngandamnak lei riantuan), Ko Aung Htun Soe (NGO), Ko David (WFP), Ko Aih Htun Min (Company), Ko Lai Pan (Sport), U Ya Kyaw (NGO), Ko Aih Min, Ko Aih Htun Min (Forest), Daw Oan Ma Hla Myint Htay (Auditor) le Ko Thi Ha Aung (Rakhine) hna an si I an umnak inn cio ah luh hnawh in Paletwah palek sakhan ah an kal pi hna tiah theih asi.

Zei bantuk tehte hmanh um loin an tlaih mi hna an si caah a sullam um loh. Cohlan khawh asi loh. Paletwah ah hriam a tlai mi cu ralhrang kawlralkap le AA lawng an si. Bomb a puah tu zong an mah phu hnih chung in an si ko lai. CDF an si hrim la loh tiah khuami pakhat nih a chim. An tlaih mi hna lak ah Daw Oan Ma Hla Myint Htay lawng tu zaanlei ah an thlah I zeibantuk bia dah an hal ti cu theih khawh asi rih lo.

Be the first to comment

Leave a Reply

Your email address will not be published.


*