AHMAN TAKTAK AHCUN KAWLRALKAP CU VAWLEI PI NIH AN TTHUAT KO LAI HIH

Mah thawngpang a hman ko asi ahcun kawlralkap caah cun thinphan dailo bak asi cang. Kawlram buainak konghe pehtlaiin tutan ah thawng alinsa ngaingai mi cu vawlei cung ram 180 renglo nih kawlram an tthuat lai tia si. Tutan US telh in ram ram 180 leng nih Kawlram a tuk lai timi thawngpang hi a lar ngaimi a si. Hi thawngpang hi a si tak le si tak lo cu theih a si lo.

AsiNain an tial ning cu a tak bantukin an tial ve ko. Hi ca hi tulio Kawl social media ah a lar ngaimi a si i, an facebook i an tarmi cio zongah ZNH hi credit an pek cio hna. An tialmi cu a tanglei bantukin a si. Mi sual pawl an thih caan a cu cang. Dr. SaSa nih nawlnak a tuahmi thawng in UN Special Envoy of the Secretary General for Myanmar Schraner Burgener nih Kawlram cu ralkap thazaang hmang ding in thawngthanhnak tuah a si cang.

US telh in ram ram 180 leng nih Kawlram an tuk lai ti si cang. Cu pinah ralkap a thohkhantu Tuluk zong kan lak chih lai tiah an hrocer hna. Australia ram in nihin suimilam 11:30am ah Frigate ralkap tilawng pahnih a van ithawh cang tiah mithmu tehte hna nih an chim. Amay Suu, nun dam ko seh. Amay Suu a dawtu mipi an theih ve ding in na facebook account ah copy paste tuah lo share chin cio uh. Credit: ZNH

Relchih: Ralhrang tiah official in CRPH nih a thanh diam: CRPH nih SAC cu Ralhrang phu (Terrorist group) tiah nihin zaanlei ah Official in thanhnak an tuah, Vawleipi hmai Ralhrang phu nih Ram mipi thah an kan timh cang tiah a thanh bantuk a si cang. Ram mipi an kan veng lo, an kan thah, thisen an chuah, hnanawh nak an kan pek, kan nunnak a him lo. An cawlcangh ning zoh tikah Ralhrang phu a si tiah official in thanhnak cu CRPH nih a tuah lawlaw hi asi.

Min Aung Hlaing hruaimi Ralkap Council cu Ralhrang phu(Terrorist group) ti an si cang caah Ram mipi nih venghim tu hriamtlai kan ngei ti lo. Tlangcung miphun hriamtlai pawl tu hi phungning tein an kan vengtu hriamtlai phu kan i ngaih mi cu an si cang ti khawh asi. Min Aung Hlaing hruaimi Ralkap Council pi cu Ralhrang phu tiah official in thanh a si cang caah, rian a khin mi hna a cohlang mi minung paoh zong Ralhrang phu an si ve cang, cu lawng hlanh CDM ah aa tel duh lomi Cozah rianttuan dihlak zong Ralhrang phu a bawmtu, a cohlang tu an si cang ti nak a si.

Chin miphun (Tlangcung miphun) kan caah caantha tuk a si cang. Cozah kan ngei lo, hruaitu mumal kan ngei ti lo. Cu caah kan mah le ramkulh (State) cio ah Independent phuan khawh a si (Or) Union of Burma ah kan um hlan, Independent hlan ah British nih an kan ser piak mi Chinland Constitution ning in kan i uk/hruai ve cang lai tiah Mindat bantuk in thawngthanhnak tuah ve cio ah a tha chinichin cang.

Cu bantuk in Tlangcung hmunkip zong nih Union of Burma ah an luh hlan i an rak hman mi phung ning in kan i uk/hruai ve cang lai tiah thawngthanhnak an tuah ve cio ahcun teinak lam a nai ti khawh asi. Kan hriamtlai (CNF/A) nih khuapi khuate ah venhimnak zalong tein tuah hna seh, Chinland Constriction ning in kal ve cang uh sih tiah ahcun a lam a kau deuh ngai cang ko rua. Credit: Salai Cung Dawt

Be the first to comment

Leave a Reply

Your email address will not be published.


*