ZULHPHUNG 5 CDF NIH AN TUAH CANG, A ZUL DUH LOMI TIBAK ASI CANG

CDF-Matupi nih Mipi Zulh ding le Ralrin Peknak Cathanh an Chuah. Nihin (August 3) ah CDF-Matupi nih Matupi peng chung khuasa mizapi nih zulh ding le ralrin peknak cathanh an chuah. (1) SAC ralhrang thawngpang pek, rawl dangh le bawmhchanhnak pek lo ding. (2) Mindat-Matupi lamthluan thluang ah SAC ralhrang le CDF-Matupi karlak ral lei entainak a linhsat lio a si caah ahohmanh mehmoi kawl in ramlak ah kal lo ding.

Pathumnak. Hmundang in Matupi ah a rak rami pawl SAC ralhrang he pehtlaihnak nan ngeihmi kan hmuh ahcun fak piin dantatnak kan in pek hna lai. (4) Raldohnak ah hliamhma a pumi le a thimi kong he pehtlai in CDF-Matupi Facebook Page nih official in a tarmi lawng i cherhchan ding le a thimi/hliam a pumi hna min le hmanthlak tar lo ding. (5) Ralrin peknak ca kan chuah nicaan thawk in ralrin peknak a zul lomi hna cung ah pakhatkhat a tlun ahcun CDF-Matupi nih ttuanvo ka la lai lo. The Chin Journal

No photo description available.

Thawngpang dang. Keypad Phone a tlaihmi pawl thatein hlathlai dingin Ralhrangbu nih nawl a chuah. Raltuk cawnnak a dih cang mi PDF hna Kawlram hmun tampi ah an rak phanh cang caah hlathlainak nan tuah tikah Keypad phone a tlaih mi hna cu cipciar deuhin zohfel dingin ralhrangbu nih nawl a chuah.A rak tlung mi PDF hna hi an phone chungah hmanthlak hna a um caah phone thar an i thlen lio a si i, mi tam deuh nih keypad phone an i tlaih.

An hruaitu tam deuh zong nih an hman mi a si i, hmunhimnak an phan hnu lawngah internet hmannak caah an phone thing an hman. Cucaah, himnak riantuantu hna nih keypad phone a tlaih mi hna nan hmuh hna ahcun tha tein zohfel ding tiin nawl an chuah mi a si.Kawlram khuapi tampi ah PDF chungtel 65% hrawng an rak phan cang tiah palek nih thawng an thanh tiin MPA nih a tial. MPA, TCP

Be the first to comment

Leave a Reply

Your email address will not be published.


*