ZEITIANG DAH KAN DOH MI RAL, KAN PHAK CANG.

Kan doh mi kan ral zei tiang dah kan phanh cang. SAC nih Roapmap ning in an kal kho lai lo a fiang ngai. Nain ralkap cu mipi zawnruahnak le zangfahnak a ngei mi an si lo. SAC nih Media press voithum an tuah cang ii mipi kan inh tuarmi pakhat hmanh an chim lo. Ralkap nih thiam an co dih. Ralkap cu Upadi zei a rel lo mi hriamnam nih zeipoah a tuah khawh dih an ti. Mee an fir an ti mi kongah % an nih ruah ning bantuk a si ti lo. NLD cu mipi nih thim mi teinak a hmun.

Vawlei cung ram nih Cozah a si an ti peng rih. Ralkap nih an tuah ding lam a um ti lo caah NLD lutlai le riantuan tii zikhnawh- eihmuar in tazacuai ding an kawl cang hna. An mah ralkap cu eihmuar in tazacuai khawh an si lo pinah kum 70 an kan uk ii Sui le Ngun an fir mi le an eihmuar vial te check kho an si lo. LDC ram ah kan nih chuah. Mipi nih ralkap uknak kan duh ti lo,2008 phunghram hrawh kan duh, Federal ramkulh kan duh ti in kan aupi.

NLD cozah kan duh lo kan ti lo. Ralkap nih NLD cozah an si sual lai phang tuk ii kum 30 mipi nih kan tuar. NLD cozah ruangah ram a buai an ti peng. Ralkap nih an duh lo mi Party le mifim thiam kawlram chung um ngam lo cihmit an duh peng hna. Kawlram tuan bia thei dih a si. EU chungtel a si mi ram 27 nih Tuluk cozah lutlai section an tuah tikah kawlram thlengnak caah lam pakhat a si ve.

Tuluk cozah nih Asean ramthum le India ram ralkap anaa thlah ding caah a bia pi tuk. US hluttaw nih Ralkap hren ding an hna a tlak cang ii India cozah he kawlram buainak zeitluk tiang dah rian an tuan tii khawh te lai. Democracy kham an fiang cang mi ram nih Presure pek awk an pek dih cang. Teinak lam pakhat a si ve.Phaisa hram namnak catla cu Germany in an cawk ii a tu cu an cawk khawh ti lo.

Fical Year Budget an tuah ning in 100%chungah 80% Company Tax,Zinan le Natural Resoure a si tikah Tuluk sinah an hmun peng lai caah phaisa lei harnak an tam tuk lai lo ii ruah a si. Tuluk sin in an hmun mi phaisa phihkhan nak an tuah khawh si cun cozah pi a derh khawh lai lo. Ralkap anaa an thlah tuan dingah thil pahnih lawng a um.MAH thah ding ah cun a thli te in a um kalnak zoh in US nih Drone an kah ti dah lo cun Ram dang nih antuk hna lai cu caan saupi a rua rih lai.

Ralkap cu an aanaa cuh le an rumnak donh kham tu a si mi poah thah le tlai ii thong hren cu rian tuan khawh ah an nih ruah cang. Cu caah Ralkap nih Mipi he ton biaruah le thithruai nak poah Boycott tuah khawh a bia pi tuk. Ralkap Ni hna hriamtlai cheu nih an kai mi zong Boycott tuah than hna seh teinak lam a si.Ralkap chungah buainak a um lo si cun anaa an thlah ding cu a fawi ti lo.

Ralkap bawi he apehtlai lem lo mi mirum hna section an tuah hna tikah an kar lakah buainak chuah seh tiin lam kawl a tha. Tlangcung hriamtlai nih an mah le hmunhma cio in an kah hna si cun Ralkap chungah buainak a chuah khawh ve mi a si.Mipi nih mah le thiam ning le tikhawhnak lam kawl cio Lamkip ah poster ralkap thil tuah mi duh lonak langhter peng ah cun teinak a nai cang ko. Credit: Robert Ling

Be the first to comment

Leave a Reply

Your email address will not be published.


*