ZEIRUANG AH DAH THANTLANG AH RALKAP THAAZANG AN CHAP TIMI…

Thantlang ah Motor 6 in Ralkap an Phan. Nihin zanlei sml. 4:15 hrawng ah motor 6 in Thanthlang ah ralkap an phan i, sml. 5:00 hrawng ah ralkap motor pawl cu an lawng in Hakha lei ah an kir, tiah mit in a hmutu hna nih The Chin Journal ah an chim. Zei ruang ah dah Thanthlang ah ralkap thazaang an chap timi fiang in theih a si lo.

A si nain Thantlang khuachung i mipi cawlcanghnak ah hruaitu deuh pawl ralkap nih an sel hna i a si kho, i ralrin kan hau, tiah khuami pawl nih an chim. Lungler ralkap zong Thantlang lei ah an kal, tiah thawng kan theih. Credit: The Chin Journal.

Than tlang khua dawh - View point - apir, 2019 - YouTube

Relchih: Thawngpang chia lak ah thawngpang pakhat vun theih zong hi tulio caan ahcun a sunglawituk hringhran ko. Ralhrang kawlralkap hna nih an tleihmi hna cu an thlah cang hna. Tutan ah thawngpang ttha a chuakmi hi a liamcia March ni 27 ah khan arak cang mi a si. March ni 27 lio ah ralhrang ralkap hna nih Pu Tial Ceu le Salai Van Hum Sang hna an rak tleih hna.

Asinain tuchun ah thawngpang ttha a chuak cang. Pu Tial Ceu le Salai Van Hum Sang hi pafa an si. An pafa in April ni 6 tuzanlei suimilam pasarih le cheu ah an thlah cang hna. An mah an rak tleih lio hna ah hin minung pali an rak si. Cuchung ah Pastor Ngun Thawng Lian le Pu Tial Cung zong an rak i tel nain March ni 28 ah an rak thlah hna.

March 27 zaan Thantlang ah ralkap le palek nih tlaih mi Pu Tial Ceu le Salai Van Hum Sang te pafa cu April 6 zaan suimilaam 7:30 ah an thlah cang hna. An tlaih hna lio ah minung 4 an si i cu chung ah Pastor Ngun Thawng Lian le Pu Tial Cung cu March 28 zaanlei sang ah an rak thlah cang hna. Nihin April 6 zaan ah Pu Tial Ceu le Salai Van Hmun Sang an thlah ve hna hi a si. Credit. DVC

Be the first to comment

Leave a Reply

Your email address will not be published.


*