ZAANGTUK PEI AN SI HI, AN THEI HNGA LO MAW CHIN COZAH NIH HIN

Lungthin afak ngaingai ko. Hitluk in kan ram a thangcho cang kan ti lio ah Chinram Patzan khua ah cun ti a har tuk caah khuami nih buainak fakpi an tong i ti kawl ak chukcho an va zungzal rih ko tiah kan theih. A cakvak deuhmi pawl cu zinglei nazi 3 hrawng ah an tho i tithan ah an kal i saupi ti hngah haulo in zan i ti a rak i khong mi pawl kha an than tawn.

Cucu Zinglei nazi 5 hrawng a si cun tikhur i ti a rak i khong mi cu a dih manh cang i khuami pawl cu a changchang tete in ti hngah ah kan can a liam dih ko ee”Patzan khuami Nyaung Ngai nih cun a chim .Khuami chung ah hin cucle a ngei velo mi pawl le kum upa lei pawl hna cu ti ahb an harsa khun i buainak an tong khun tiah theih a si.

Culawng siloin Rawlchuan can zong a can te ah chuan khawh lo can a tampi i eidin can le itcan zong a hman kho tilo i ti i cuh ruang ah buainak le i elnak fak zong a chuah can a tampi tiah theih a si fawn .”Kan kum upa cang i kan tar ve cang tik ah hawi bantuk in ti zong kan than kho ve tilo i cycle zong kan ngei kho velo i kan nih caah cun tikong ah hin kan buaibik ko ee ” tiah khua upa Pi Cing Doh nih cun a chim.

Hi konghe pehtlaiin Patzan khuabawi Pu Kam Khan Pau zong nih Furpi ah cun ai ning deuh nain September le Maythla karlak hrawng ah cun kan nih khua cu ngeihchia ngai kan si ko .Kan tak hmanh kan i kholh ngam lo i rawlchuan ca hmanh ah zan itlo in ti kan hawl hi a tamtuk tawn” tiah a chim ve fawn.

Tutan ah thil a cannak Patzan khua cu Teddim in meng 18 hrawng a hlatnak ah a um mi khua a si i an khua i tilei an harsat nak cu cozah sin ah chim lengmang a si ko nain tuni tiang zeihmanh bomhnak zong an hmu rih lo i cozah lei in lehnak ca te hmanh an hmu rih hlei lo. Source: Emedia

Be the first to comment

Leave a Reply

Your email address will not be published.


*