Yangon Ah Hngakchia Hram Hram In Rian A Tuan Ter Hna Ruangah Buai Nak A Chuak

Yangon ah Hngakchia inn kharkhum in hram hram in rian a tuan ter hna caah fak tuk in buainak a chuak, hi thil cang hi voi khat lawng a si lo caah, hngak chia duh ning poh in a tuah leng mang tu Chines pa cu mi nih an theih caah fak ngai in an buai i police nih an buai pi cuah mah lio a si, atang lei hi Falam ca si hi fiang deuh le tling deuh in rel khawh si.

Yangon ah Nauhak Pawl Kharhkhum ih Hna Tuan Ter An Si Ruangah Buainak SuakYangon ramthen, Dagon Seikkan myone, 87 zatkuat ih pawnghmuk le pauksi tuahnak ah hnaneitu Chinese pa cun nauhak pawl kharhkhum in hnatuan a fialih kut a thlak theu timi thuhla thei in veng mipi an suakkhawm ih nauhakpawl suahter dingah an auh.

November 19 zan ih thil thlengmi a siih nauhak pakhat cu Chinese pa in a soisat tuar nawn lo ah tlansuakin palik hnen ah a report. Cui’ thu an theih tikah veng mipi 100 lenglo an suakkhawmih Chinese pai’ inn an kulh tahrat in nauhak pawl suah ter dingah an hro.Palik hnen ih thuthlentu kum 18 mi Mg Kyaw Lin Htwe cun ” Hi hmun ih ka tuannak kum 4 a rei zo. Hnatuantu zaten vuakvelh kan tuar theh. Thil fate tuahsualmi kan neih pang tikah biang beng kan tong cih.

Kan dung ni ah kei le ka naunu cu vei 11 khat veve hrawng in beng ih ka tuar thei nawn lo ruangah tlansuak in palik hnenih ka report nak a si. Hnatuantu mi 16 kan um. Mipa 4, nunau 12″ tiah a rel.Kyaw Lin Htwa ih naunu cu kum 15 mi Ma Thu Zar Htwe a siih hi hnatuannak hmun ah kum 8 in kum 18 karlak nauhak mi 16 an um tiah theih a si.

An buainak hmun ah Dagon Seikkan myone palik pawl khal an thlengih dan vekin an thuhla tawlrel sak an si ding tiah palik lam in an than.

News Watch

Crd: Laileng News

Be the first to comment

Leave a Reply

Your email address will not be published.


*