VIDEO:PU NGUN SAN AUNG SIN AH MAH VIDEO HI RAK PHAKTER CIO UH

Atang bik ah video: Mah video atanglei ah kan vun thil chih mi hi Pu Ngun San Aung sin ah theihternak atuah mi le biacah atuahmi asi. Culawng siloin mah video vun langhtermi hi amah Pu Ngun San Aung sin ah rak theihter cio uh tiah alanghter chih. Mah video avun thlahmi ah cabia atarmi cu Pu Ngun San Aung sin ah hi VIDEO hi phak ter hram uh, Chin miphun leirawi tu Pu Ngun San Aung tiah techin fapar nih chimrel te ding poi tuk dah kaw tiah alanghter chih. Video atang bik ah kan chiah.

Pu Ngun San Aung Kong: State Administrative Council chungtel ah Pu Ngun San Aung aa tel. Ralkap nih mizapi thimmi Myanmar ram Cozah uknak an hramhram in an laak hnu Cozah thar an ser mi State Administration chung ah 2010-2015 USDP cozah chan ah Sakremhnak Minister a rak tuan balmi Pu Ngun Sang Aung cu rian an khinh i amah lei zong nih a cohlan ko tiah theih a si.

Pu Ngun San Aung nih, “Ruah lo piin rian an vun ka khinh ve tik ah ka lau ngai ko. Ram le miphun ca ah a si khawh chung in riantuan timi hi kaa timh ca ah ka cohlan ve. Ka miphun hawi ca ah a tha bik in tuan kaa zuam lai,” tiah The Hakha Post ah a chim. Tuzaan 2021 February 11 i ralkap nih an thanh ning ah Chin State Administrative Council member chungtel an thanh mi chung ah Hakha in Pu Ngun San Aung le Tedim in Pu Gu Suan Khai hna an i tel. Pu Gu Suan Khai hi a hramthok ahcun a cohlang hna lo nain atu cu a cohlan than cang hna tiah kan theih. THP

Relchih: Khuamui Kan Lut Lai. Tutan Kawlram buainak hi mipi lei in cawlcanghnak lawng alang rih i ralkap lei in an mithah lainawn sualnak (Lethal Action) achuak rih lo.Palik nih tank in ti in kah le meithal puak thawng tlawmpal, tlaih khih tlawmpal lawng alang mi hi 20% an sualnak alang chung mi asi i 80% an sualnak ahung phanh ahcun mithi le thongtla hi an tamtuk te lai.

Kawl ralkap cu uknak an ti hnu ahcun ai molh pimi an si i an biakmi phungki hmanh athat dih ngamtu an si. Chun ah an va biak hna i zan ah an hngawng an tan hna. Cucu zeitluk misual (Evil Incarnate) an sinak alanghnak asi.Tutan hi caan an hngak, strategy i an i suai mi asi lai. Mipi nih an kan duh lo tuk ti hi an theih tuk, ralkap chung hmanh ah zapi an lungtling lai lo ti zong ralbawi pawl nih an theih tuk mi asi lai.

Cucaah mipi le ramleng pressure nih avun tet khawt tuk hna i adonghnak akikam tiang nam chih an vun si te tikah cun anmah lei in “thih ah thih, nun ah nun” ti in an vun cawlnak (Maximum Risk) an tuah ve te lai. Cucaah atu hi khua muih ka lawng asi rih, zanțim khuamui chung kan lut rih lo.Mipi nih “ațha bik ruahchannak kan ngei lai, achiabik achuah zong ah timh cia tein nawr chuah i zuam hna usih.”Hope for the best, also prepare for the worst.” Long Live People Freedom In Myanmar! Credit: Victor Khen Sang

Pu Ngun San Aung sin ah video phakter dingmi ngeih le zoh aduhmi nih hIKA HI VOIKHAT IN HMAT LAW VIDEO NA ZOH KHAWH LAI

Be the first to comment

Leave a Reply

Your email address will not be published.


*