VIDEO: VOMKUA KHUAMI LE PASTOR HNA NIH KHUACHIA AN TTHAWLNAK

Bualram kulh chung Vomkua khua ah a cangmi thil cu biadik taktak a si ko timi hi mizeihmanh nih el awk attha lomi thil a si. Zeicaah tiah Pu Siang Kung thah a timmi khuachia hna cu Pastor le Khuami hna nih Pathian sin ah thlacamnak he Khuachia an tthawlnak video cu mipi hmuh khawh dingin thlah a si cang.

Tutan ah video an thlahmi nih hin biadik or biafiang taktak a hmanmi a sinak cu alanghter. Video cu kan zoh hlan ah thil sining tlawmpal kan vun langhter hmasa lai. Pu Siang Kung cu a nupi Sayamah a si caah Vomkua khua in Hakha ah an i thial cang. Pu Siang Kung hi Khua a tlaihchan ngai mi a si caah khua ah a rak tlawng hna i, Lo riak mi sinah a va riak ve.

Khuami hna nih Lo an tlaknak hi Makhan Ttal timi lopil a si. Nizan tihni September ni 10 zingka teah meithel a put i sih a va bawh, Sih a va bawhnak hmun hi Tlaivai an ti i a tu lo an tlakmi he kamte ah asi. Sakhi nih sih cu a vun din ah ka kap lai ati ah khin sakhi nih a tlik tak.Caan a rauh hlan tlawmpal ah Pawpi a rak ra i sih a din lio ah meithal in a hei kah i Pawpi cu a bawk.

Ka vun nolh than lai a vun ti ah Pawpi cu a lu kha a hmetter chel a nganter chel in a hmuh. Cu lio ahcun kuanpi zunkhat in a kah than. Cu bak ahcun nan kan kah, kan in thah lai tiah khuachia minung sawmnga hrawng nih an vun rat hnawh kha a hmuh. A tihtuk caah tingkung cung ah a va kai. Khuachia pawl nih thingkung hram an vun phak ahcun a Meithal cu an hmuh.

Khuachia pawl nih an timi cu A meithal hika ah a um ko amah cu khawika dah a zam manh dawi uh an ti. Pu Siang Kung cu Chun tiang zongah a rak lawi ti lo tikah loriak pawl cu an i sawm i an kawl. Meithel zunhnih a puah zong cu loriak nih an rak theih ko. Meithel a puahnak lei ah an va kawl tik ah thinghram ah meithal a tun mi cu an hmuh. An auh len ko nain a hawi kho hna loh.

A hraam thawng an theih i, thingkung cung an vun zoh cu a therh in a ther i, thinkung cungin a rak tla dengmang cang, thingkung cung ah an va lak zokzok. A rak tihtuk cang caah a holh khawh ti lomi arak si. Rianrang in khua ah an tlunpi. Zan a riahnak ah cun mitampi nih an rak rat hnawh i na kan kah caah na kan nawl lo ahcun kan i thah lai an ti.

Mah Cu zan cu zan khuadei an tuaitam. A thaizing September 11 zingka ah hawi pahnih thum a sawm hna i Vok thau sumruk le Arkhongsen an i phorh i Pawpi a kahnak lei ah va rem ding ah an kal. Lam tanttim an phak ah khin nizan ah na kan rem ti loh, na tlaituk cang, Rem kan duh ti loh an ti i nangmah na nunnak tu kan in lak lai tiah Khuachia pawl nih cun an ti. Asinain Pu Siang Kung nih A nawl lengmang hna.

Cu a nawl lio cu a hawi le a kalpi mi nih cun a hmu kho loh. A sinain a nawl lengmang hna tu cu an hmuh, vok cu a kal duh ti loh i khuachia pawl nih a ke an vun khiah. An tih tuk cang i loriak kha phone in an hei chonh hna i loriak pawl cu an rak phan. Loriak pawl nih inn lei ah kan tlunpi lai an ti tikah an tlunpi kho loh. Minung tamnawn nih an dawh, an nam len zong ah pe khat zong an tthial kho loh.

Minung tamtuk nih a kan kham i zeiti hmanh in pahkhawh ding an si loh, nan ka kalpi kho bal lailoh hih tiah Pawpi a kap tu pa nih cu a ti hna. A khup ai bil i ka nunnak cu ka zuah ko uh, ka vok le ka ar hi cohlang ko uh a ti cu mipi nih an hmuh ko. Lo riak pawl nih an kalpi len zongah mi nih dawh le kham bantuk in a hartuk cu an theih ve. Mi tamtuk nih a kan kham i nan ka kalpi kho lai loh hih a ti peng.

Cu tikah loriak pawl nih inn lei kha phone an hei chonh hna i khuami cheukhat le Free Methodist pastor Kap Cin, UPC pastor Dawt Cung le Baptist pastor Zai Thluai Sung nih an hruaihna i khuami 15 hrawng an va kal. An va phak tikah thil sining cu an va hmuh ve. Khuachia riantuan nak a si kha an theih tikah Pastor Kap Cin nih bia a chim i thlacamnak he Jesuh Khrih min in khuacha cu a tthawl, UPC pastor pa zong nih Pathian bia chimnak a ngeih.

Chikkhat te ah mi tampi an tlik kha cu Pu Siang Kung nih cun a hmuh. Khuachi pawl nih an timi cu Ei hi hna pawl hi Jesuh min in an ra i tei khawh ding an si loh an ti i an zam dih a ti i Halleluiah tiah a au. Mipi zong cu an au ve. Inn lei ah tluang tein an vun tlunpi i inn an phak in lomhnak biachimnak le Thlacam nak program an ngei. Jesuh min an theih ah rulhreu mi an tli, tiah kan rak langhter hmasa.

Mahbantuk thawngpang vun theih le zamh asi tikah tthenkhat a zum lomi kan um. Asinain hi konghi zumh lo dingmi a um lo. Ahman taktak mi asi. Khualei tthenkhat kan chawnh hna i, biahalnak kan tuah hna tikah a hmanmi asi ko tiah aa kan ti. Culawng siloin Vomkua Pastor zong kan chawnh tikah biadik asi ko tiah a chim chih. Theihfian le thil sining fiangte in theih a duhmi hna nih Vomkua Pastor Kap Cin le Bawi Iang Pa pehtlaih khawh an si.

Pastor Kap Cin chawnh a duhmi nih 09458184189 mah phone number in chawnh khawh asi. Cun Bawi Iang Pa chawnh a duhmi nih 09458915152 ah hin chawnh khawh rih asi. Khuami le khua pastor hna nih Khuachia an tthawlnak video zoh khawh asi. Cun pawpi akah timi kha a rak thi lo, Video zoh a duh mi nih mah hika hi voikhat in hmat law video na zoh khawh lai

Be the first to comment

Leave a Reply

Your email address will not be published.


*