VIDEO: TUCHUN HAKHA THILSINING CU LUNGRAWK BAK ASI KO RAK ZOH CIO UH

Tuchun Hakha thil sining cu cuhlan thilsining a cangmi nak in a zualhma ngaingai. Tuchun Hakh lamzawhtu hna cu biatak tein Kawlralkap le palek hna nih an buai hna. Tuchun cu ruahlopi in lampi Hakha mipi lamzawhnak an tuah nak konghe pehtlaiin pehtlaiin lamzawhnak an tuahmi hna cu palek le ralkap hna nih fak ngaiin an tuahto hna caah mipi zong an vaivuan ngai.

Tuchun ah Hakha ralkap le palek hna nih an thiltuahmi cu, Ahlan ah an hman lomi thil vialte zong an hman hna. Ralkawp le palek hna nih tthihpheihnak caah tiah meithal zong an puah pin ah lamzawhnak atuahtu hna cu mitthli tlaknak tear gas hmangin an kah rih hna. Cu bantuk in ralkap le palek hna nih an hman caah hakha lamzawhtu hna cu fahnak zong atuar mi an um.

Cun tuchun ah lamzawhnak atuahmi chung ah zeimawzat zong an tleih hna pin ah lamzawhnak atuah lomi or atuahmi inn ah tthatein a ummi hna cu ralkap le palek nih an inn chungah an luh hna i, minung tthenkhat zong an tleihmi hna an um ti asi. Culawng siloin pikpak in a ummi hna zong ralkap le palek nih mipii an tleihmi hna hi an tlawm lo ti asi.

Culawng siloin lamzawhnak atuah lomi hna zong minung zeimawzat an tleih rih hna. Lamzawhnak a tuah tilomi zong an tleih rih hna. Tuchun ah an tleih mi hna hi fiang in theih asi rih lo nain minung pakul in sawmthum karlak hrawng cu an si lai ti asi. Tuchun thilcang kong he pehtlaiin hakha dirhmun hna cu zeihmanh afiang rih lo ti asi.

Sihmanhsehlaw ralkap le palik nih biatak tein tleihkhihnak le cawlcnaghnak an tuah ko nain thaizing caan zongah mipi hna nih lamzawhnak cu pehzulh dingin timhlamh nak an ngei. Hakha khuachungah tulio thil sining cu biatak tein ralkap le palek nih rian an ttuan caah alinsa ngaingai ko. Sinain chimcia bangin mipi nih kawlralkap duhlonak langhternak cu kan ngol bak lai lo tiah an chim.

Tuchun ah Hakha lamzawhtu hna karlak le hakha palek, kawlralkap cawlcanghnak kong he pehtlaiin The Hakha Times lutlai asimi Papui nih thil sining fiang tein alanghter. A chimmi video zong minung tampi nih kan ngeih cang ko lai nain a thei rih lomi le angai rih lomi hna caah kan vun thil tthan. Papui nih thil sining a chimmi ngeih le zoh aduh mi hna nih hika vun langhter mi atu na rel cuahmah hi voikhat in hmehpiak law tlamtling tein na ngeih in na zoh khawh lai.

Be the first to comment

Leave a Reply

Your email address will not be published.


*