HLUTTAW SPEAKER NIH MIPI AA KAN HLENG MAW

Hluttaw Speaker Nih Ngaihthlem In Mizapi A Kan Hleng Maw? Ahmaan lomi thawngpang kha mi sinah nan chim chin lai lo” tiah Exodus 23:1a nih a kan cawnpiak. Pakhatnak. Atu lio Chin ramkulh NLD Chairman le hluttaw speaker a tuan lio mi, … nih The Chinland Post he ton biaruahnak ah “India ram ah state 50 leng a um i Mizoram state hi a thangcho lo bik a si” tiah biadik lo chimnak in mizapi a kan hlen. (India ram ah state 28 le union territories 8 he a zapi 36 lawng a um).

Pahnihnak. Tedim le Tonzang ah Chin party (CNLD) an um lo” tiah The Hakha Post he ton biaruahnak ah biadiklo chimnak in Chin mizapi a kan hlen. (Tedim le Tonzang ah CNLD party an um ko, zung zong an hun ko. 2015 lio te in an um cang. atu lio CNLD party chiarman pathum lakah Pu Zo Zam khi Tedim a si).

Hiti Chin mizapi sin ah thawngpang diklo chimphuan hi kapkhat lei kam cun “Ngaihthlem in mi hlen” a si caah tih a nung taktakmi a si tiah ka ruah. A palh sualmi a si ahcun cuti ka chimmi kha ka palh, biadik lo chimnak in mizapi kan hlenmi hna cung ah ka ngaithiam u tiah a chimphuan than awk a si tiah ka ruah.

Atu bantuk thimnak tuah lai le lemsoinak tuah caan ahhin mizapi fimkhur te in kan i ralrin khun a herh. Exodus 23:1 nih a kan cawnpiak bantuk in Chinmi nih thawngpang dik lomi thanh le thimfung lemsoinak caah biadik lo chim le thanh hi Pathian tihzah bu te in hrial le i ralrin cio hna usih tiah miphun dawtnak he kaan sawm hna.

Zalongte in share le comment pek khawh a si. Video Credit: The Hakha Post, The Chinland Post.Salai Holy Tawk Tling Thang.Cattialtu Salai Holy Tawk Tling Thang. Pu Zo Bawi Nih  Achimnak Video pahnih zoh a duhmi caah hika vun langhtermi ah hin zohkhawh asi. hika hi hmat law video zoh khawh asi  .Cun hika hi voikhat hmat tthan law video in na ngeih khawh rih lai