VIDEO, KHUARUAHHAR IN REVIVAL A CHUAK, AN CHIMMI AI DANG DIH

Tutan thil a cangmi cu khuaruahhar ngaingai a si ko. Hihi Pathian rianttuannak taktak maw asi hnga? a siloah Sehtan rianttuannak dah asi hnga timi kongah bia relnak tete zong a chuak. Video a zohmi zong tampi kan um cio lai dah. An ttul i, an laam hna, tthenkhat le bang cu a khurh in an khurh rih. Cun faifit a tummi zong an um rih.

Hlaki an i sakpah i, video kan hmuh bangin khin valei ah an bawk i, Amen tiah an au hna. Hi bantuk thil acangmi hi kan ramchung ah a um pah lengmang ttheu. Tthenkhat cu Pathian rianttuannak taktak cu asi lai lo an ti, tthenkhat Pathian rianttuannak bak asi tiah a cohlang mi le a zummi tampi an um ve hna. Hi video konghe pehtlaiin comment an tuahmi cu atanglei bangin a si.

Keimah pumpak ruahnak ahcun Thlarau rianttuannak asi lai ti zong in ka zum lo i, Satan rianttuannak asi lai ti zongin ka zum hlei fawn lo. An mah minung phuahcop mi a si deuh tihi ka ruah tiah minung pakhat nih alanghter. Cun pakhat nih ati vemi cu Bible ah a ummi SAMUEL 19:20-24 nak ah a ummi kha kan ram ah a hung cang ve cang, lunglawm in Laam in thangthat usih tiah alanghter.

Cun pakhat nih ati tthan mi cu Minung nih theih ballo mi thiang thlarau cu vim kho a si lo e, Jesuh nih Jerusalem hmun lawng siloin Bawipa thangthatnak hmun cu a tu ah zong aphan ati bantuk in a si. Penticos Ni zongah Thlarau a cotu pawl cu mihrut an rak ti hna, Tutan zongah Pathian an thangthatmi hi soisel hna hlah law nanmah tu kha Ti le Thlarau in hrin nan si cang maw tiah achim.

Bible leng biaknak cu Satan hlennak asi. Biakam hlun chan ah an Laam nan ti lai, Biakham thar ah Penticos Ni in Lamkaltu cauk chungah an lammi kan hmu lo cun Lamzong ah mah bantuk lam cu hruh lam asi tiah minung pakhat nih comment atuah tthan. Acung chim bangin hi bantuk kongah ruahnak le hmuh ning aidan lengmang. Video zoh a duhmi nih hika hi voikhat in hmehpiak law zohkhawh asi

Be the first to comment

Leave a Reply

Your email address will not be published.


*