FAKTUK IN AN SOISEL HNU AH RALKAP DIRKAMHTU UN PALAI RIAN A CHUAK

Vawleipi hmai ah Ralkap adirkamh ruangah faktuk in an soiselmi Kawlram Aiawh in UN palai asimi U Myint Thu cu arian a chuahtak tiah thawngpang an thanh. Hi konghe pehtlaiin foreign ministry ah rianttuantu pakhat min langhter a duh lomi nih VOA thawngzamhnak ah a chimmi cu Kawlram aiawh in UN palai ( Representative of Myanmar to the United Nations) asimi cu a rian in aa phuak tiah fiangtein a chim.

U Myint Thu cu UN palai (Kawlram ai awh in) rian a chuahtak hnu ah Kawlram ah an auh i, arian an thial (riandang an pek) tiah thawngzamhnak nih alanghter. Hi konghe pehtlaiin Foreign Ministry order internet i, thawngpang a chuakmi ning cun U Myint Thu hi rian a chuahtak hnu ah foreign ministry lei tawhtlaitu sinak rian an pek tiah thawngzamhnak nih cun alanghter.

Tutan ah UN palai sinak in rian aa phuakmi U Myint Thu hi fak ngaiin rak soisel cangmi asi. Tuan deuh UN human right council nih Kawlram kongkau ceihkhannak an tuah ah Kawlralkap adirkamh ngaingai mi asi i, ralkap dirkamhnak kong a chimmi asi. Curuangah biatak tein U Myint Thu cu fak ngaiin soisel a tongmi tiah VOA thawngzamhnak nih a ttial.

Myanmar coup latest: France supports 'struggle for democracy' - Nikkei Asia

Fiangko in thanhnak an tuah: Kawlralkap cu hmaichia in Facebook nih an tuah cang hna. Kawlralkap nih an tuahmi page vialte hna cu facebook nih an phihpiak dih hna cang. Hi konghe pehtlaiin Facebook company nih thanhnak an tuah mi cu kawlralkap nih facebook ah page an tuahmi le an zohkhanhmi page dang vialte hna cu phihkhar piak dih an si tiah thanh nak an tuah cang. Culawng siloin facebook he pehtlaihnak angeimi pakhat instagram zongin kawlralkap cawlcanghnak hna cu hlohpiak dih an si tiah an langhter chih.

Myanmar coup latest: France supports 'struggle for democracy' - Nikkei Asia

Cupin ah Kawlralkap he pehtlaihnak angeimi company hna nih cawngia an tuahmi zong lakpiak dih an si cang tiah an langhter tthan rih. Kawlralkap nih facebook hi an phih i, ramchung mipi harsatnak an tong ngaingai.Curuangah ramchung mipi tampi hna nih VPN hmangin an hman ti asi. Facebook ahmangtu hi nikum 2020 January tiangah khan Kawlram minung 22.3 million an aum ti asi. Ram mipi zatuak in 40% hi facebook ahmangtu an si tiah Social Media management platform NapoleonCat nih alanghter. Tutan ah fb nih Kawlralkap nih an ngeihmi page vialte hna cu phihkhar dih an si cang tiah Mizzima nih alanghter.

Be the first to comment

Leave a Reply

Your email address will not be published.


*