VANZANG TLANG A KALNAK KONG BIAFIANG ACHUAK CANG HIH VP A ZULTU BAK NIH A FIANTER

Za Lian Ceu (Korea um) Facebook Account Salai C Alexander tiah ai tuahmi nih VP Henry Van Thio Vanzang Tlang a tlawnnak kong dik loin a ttial mi fianternak. VP Henry Van Thio Thlanglei Laitlang a tlawnpah in Thantlang Peng Vanzang tlang a tlawnnak ah Za Lian Ceu (Korea um) Facebook Account Salai C Alexander tiah ai tuah mi nih a dik lo ningin ca a tialmi kong he pehtlai in keimah a zultu, Biak Nun Mawi nih a tawinak in fianternak ka rak tuah lai.

Image may contain: one or more people, table and indoor

Atulio Covid-19 ruangah mibu 50 cung he biaruahnak a ngah lo caah duhning tlukin khuami hna he ton biaruahnak kan ngei kho lo. Cheukhat a hngal thiam lo mi nih cun phundang in an ruah piak khawh men. Vanzang tlang kan tlawn ning cu a tawinak in ka rak langhter lai. Thantlang in Sopum kan kal, Sopum khuami he ton biaruahnak kan ngei dih hnu ah Vanzang kan lan.

Image may contain: one or more people and people sitting

Vanzang khuami he ton biaruahnak kan ngeih dih hnu ah Farrawn kan lan. Farrawn khuami nih sunglawi ngai in an don nain nawlbuar a duh lo caah minung an tthekter viar hna.

Image may contain: one or more people and text

Farrawn khuami he biaruahnak zong voihnih tiang kan tuah(Minung 50 cung tonnak a duh lo caah asi). Farrawn khua he ton biaruahnak kan ngeih dih hnu ah Tlangpi kan lan. Tlangpi khualu ah Lungding khuami nih an rak don. Caan tlawmpal te biaruahnak an ngeih dih hnu ah Tlangpi kan lan.

Image may contain: one or more people, people standing, people dancing and outdoor, text that says 'Farrawn khuami nih an don lio'

Za Ceu Lian bia : Amah dongtu ah minung pathum-li te khi, hmaikhah lo ah, NLD angki cu an hrukter hna timi kong ah. Tlangpi khuami nih Lam kamkhat in an rak don i, thlacamnak zong an ngeihpiak ta i, taang loin Tlanglo khua lei ah kan lan.

Image may contain: one or more people and people sitting

Tlanglo khuami he ton biaruahnak kan ngeih dih hnu ah Tlangpi lei kan rak kir tthan i Tlangpi khua ah kan riak. Rawl petu zong an um lo timi kong ah….Tlangpi khuami nih an zohkhenh ning a tthatuk hringhran. Rawl an ei an zohkhenh ning a tthatuk. Mifim khua ciammam ka ti len.

Image may contain: one or more people, people standing, crowd and outdoor, text that says 'Farrawn khuami nih an don lio'

Zan ah meeting kan tuah i, minung 50 cung cu innchung ah um a ngah lo caah zei mawzah cu an chuahter hna i, inntual khat in aa bia an ngai. A bia ngaih a duh ko nain a ngai manh lo mi caah a thaizing zingka ah ton biaruahnak kan serpiak than hna. Tlangpi khua ah voihnih tiang ton biaruahnak an ngei. A tulio Covid -19 ruangah mibu tamtuk ton a ngah lo caah duhdim in ton biaruahnak an ngei kho hna lo. Apoi tuk kan ti.

Image may contain: one or more people, people standing and outdoor, text that says 'Farrawn khuami nih an don lio'

Za Ceu Lian ttial mi ning le keimah pumpak in kan hmuh ning tu cu a dang rumro ko.Sopum in, Vanzang, Farrawn, Lungding, Tlangpi le Tlanglo khuami hna an biachim hoiher in, velhle le titer thiam muikeng pakhat zong kahmu hna lo.

Image may contain: one or more people and people sitting, text that says 'Tlangpi Khuami he biaruah lio'

Za Ceu Lian nih a chim mi bantuk hna lungput a ngei ding cun aruah ruahawk an um lo. Cu bantuk lungthin a ngei ding zong azumh in ka zum hna lo. Alangpar in, a mah nih a purhdah sawhsawh mi le thangchiat duh bia ah ka ruah.

Image may contain: one or more people, people standing and outdoor, text that says 'Lungding khuami nih Tlangpi khualu in an rak don lio Moe'

Cun, Henry Van Thio cu, Siangpahrang bantuk in a kal ti hoi hna hii, mining hngal pakhat asi caah achim ngam tiah ka ruah. A taktak ah , Myanmar Ram pumpi , Vice President khi va kal taktak tuah sehlaw, zeikhidah an lawh hnga ! Cu bantuk nemmam cu, Laimi te asi caah neih niam tein, Kawlram uktu dirhmun zong lo hlah , neihniam tein mipi he bia aa ruah mi asi.

Image may contain: ‎one or more people, people standing and outdoor, ‎text that says '‎Tlangpi khuami nih an don lio. Thlacamnak zong lampi ah an ngeih O 1מ理‎'‎‎

Tutan Vanzang Tlang kan tlawnnak ah, Za Ceu Lian nih a chim ning he cun, aa ral kah tatak mi asi. Vanzang Tlang belnaang a neh bantuk ah ka ruah.Kawlram uknak zong tlawmte cu a hun i ong ngai tikah, Laimi nih biachim ttha lo le biadawh lo zalong tukin kan chim mi belhi, Kanpa Van Thio zong a ngeih kan chiatter tawn.

Image may contain: one or more people, people sitting, table and indoor, text that says 'Tlanglo khuami he biaruah Tlo lio'

Laimi Pathian a zummi Khrihfa mi kan sinak, Pathian hi ttih hna usih, biadawh lo le micungah fahnak chim hi i ralring usih tiah ralrin a kan pe peng tu asi. Thluachuah kan hmu lai lo tiah, Lai mi huap hin saduh a that i, achim tawn mi asi.Hmanthlak zoh ah Vanzang Tlang an kal umnak fiang tein hmuh khawh a si.

Be the first to comment

Leave a Reply

Your email address will not be published.


*