US UM KAN CHUNGKHAT CHIM HNA USIH. ABIAPI TUK CANG HIH

US um mi Laimi Vialte ralrin tak tak kan hau cang, kan i ralrin lo ahcun US Dollar 1,000 in $10,000 tiang cawi khawh asi, daithlan ruangah hmurhuh (mask) nai huh lo ah cun $1000 na liam a hau lai, mah lawng asilo, tuni thawkin Motor mawngh pah in phone hna na tongh sual citcet i an in tlaih sual ahcun $10,000 liam asi lai.

Mah caahcun Chin mi vialte ralring tein thutdir khawh i zuam hna usih, leng kan chuah lai ah hmurhuh hman philh hna hlah usih, motor mawngh pahin phone tongh hman bak lo ding, atang lei ah Chin Community of Indiana nih an an tarmi ning tein kan van in hrawm chin hna.

Beware, Ralrin Ding: Tuni tawkin Mask na tuah lo cun, $1,000.00 liam na si lai. Tuni thawkin Motor mawngh pah in Phone na tongh ahcun $10,000.00 liam na si lai. Cu caah daithlang lo tein kan um dingah zaangfah kan in nawl hna.Siaherhnak he: CCI 3173001078.

Tuluk thilti khawh tthawnnak kong rel chih:Vawlei cung ram hna nih Tuluk sin ah leiba an ngeihmi a tam taktak khi asi ko. Tuluk cu vawlei cung ramkip ti awk ah tthanchonak lei ah rian biatak tein a ttuanmi asi. Tilong dinhnak siseh Airport le adangdang tampi a tuah hna. Tuluk nih a hlei in rian attuannak hi Asia le Africa ah a si tiah an langhter.

Tuluk nih attuannak ram pawl hna zong nih hlawknak tampi an hmuh. Asinain Tuluk nih attuannak ram kongkau ah a soiseltu nih an ti ve mi cu hitihin attuan lai i, ningcang loin a kuttangah a chiah dih hna lai.A nawlngeihnak tangah chiah a duh caah a si tiah a timi zong ramdang tampi an um ve ti a si.Tuluk nih ramdang ah rian attuanmi hi amah Tuluk caah hlawknak tampi a um i, Tangka cawih bantuk in a tuah mi asi.

An ttuanpiak mi tangka an cham khawh lo caan le bang ahcun an tuah ttuanmi kha tawh atlaitu or angeitu sinak tibantuk in an tuah tawn ti asi.Tuluk nih ramdang ah rian ngan abiapi mi a ttuanmi cungah ram tthenkhat hna nih an ti ve mi cu hawinak leng man tam in rian attuanmi a si tiah an ti rih. Kum 2000 in kum 2017 karlak lawng hmanh vawlei cung ramdang hna nih Tuluk an batmi tangka hi 500 billion in 5 trillion bak a kai manh ti asi.

Hi tangka zat hi vawleipi huap in chuahpi mi tangka chungah 6% bak asi tiah Keil Institute For The World Economy nih an tuak ning an langhter. Dottletnak atuahmi an langhter ning ahcun ramdang ah Tuluk nih tangka a cawih mi hi 1.5 Trillion asi i, vawlei cung ah tangka a cawih tambik hi Tuluk asi.IMF le World Bank zong Tuluk nih a tei dih hna tiah an langhter.

Chim khawh lomi lengah Tuluk nih ramdang sin ah tangka a cawihmi hna hi 200 billion cu asi ko lai tiah an zumh. Tuluk nih ramdang ah tangka a cawih ning cang hi theihthiam ahar taktak.Curuangah investor pawl ca zongah invest ebiachah thiam ahar ngai tiah Kiel Institute chungtel Prof Christoph Trebesch nih a chim.