US PRESIDENT DING JOE BIDEN NUPI KONGLAM THEIH AHARH TAKTAK MI

US President attuan dingmi Joe Biden nupi Jill Biden hi zeibantuk minung dah asi timi akonglam tlawmpal vun langhter usih. Biden nupi cu aliamcia kum 1950 ah US State New Jersey ah a chuak. Chuahpi unau panga angei i, amah hi upa bik asi. Atthan lianhnak tucu Philadelphia khuapi fema Willow Grove ah asi. Amah hi Biden he an i ngeih hlan ah Bill Steven he arak i ngeimi an si.

Bill Steven cu College Football player tthing asi. Joe Biden a nupi le afanu sem hna cu aliamcia kum 1972 kum ah motor accident ruangah an nunnak arak liam, Asinain a fapa Beau le Hunter tu cu nungdam tein an um. Hi accident an ton hlan kumthum ah hin Biden le atu anupi Jill cu an rak i thei. Cu an i theihnak zong cu Jill a unau pa nih theihternak arak tuah hna.

Culio caan ahcun Joe Biden cu senator arak si cang i, Jill tucu college akai cuahmah liopi asi. Jill nih a chimmi cu Jeans le Clogs cun T-shirt hruk eih in tlangval paw hna he kan i leng tawn, Joe cu sport coat le loafers hruk buin kan kutka a vun kingh, Ka thinlung cun zeiti hmanh kan i uar kho lai lo tiah a chim. Keimah nak in kum 9 in a upa deuh mi asi.

Asinain voikhat cu Philadelphia theatre ah A man and a Woman timi video zoh ah kan kal i, cuka hmun cu kan vun i theithiamtuk tiah Jill nih Biden he avoikhatnak bik leng an chuahnak kong a chim. Cun Joe biden nih voi nga bak i tthium dingin sawmnak aka tuah hnu ah ka cohlan mi asi tiah a chim pin ah Joe afale hna nih nu dang an sungh dingmi hi ka duh lo caah 100% fianh ka duh tiah a chim.

Joe Biden le Jill cu aliamcia kum 1977 ah khan New York City ah tthitumnak an tuah i, kum 1981 ah fanu duhnung Ashley an ngei. Jill Biden nih avapa president caah adirkamhnak konghe pehtlaiin a chimmi cu Hi ram hi Joe kutchung ah nan chiah asi ahcun kan chungkhar caah atuah tawn bangin chungkhar caah atuah lai i, aa kan dirkamh lai i, lungrualtein, harh caan paoh ah hmailei aka panhpi lai i, kan dih lak caah rian attuan lai tiah a chim.

Joe Biden nupi Jill Biden cu kum 69 asi cangmi asi i, cachimtu arak si. Cawnnak lei ah Bachelor’s degree adih pin ah Master’s degree pahnih angeimi asi i, aliamcia kum 2007 ah khan University of Delware sianginn in Doctorate angah mi asi. Community college siseh Publica high school le hngakchia hna caah Psychiatric Hospital hna rian attuanmi asi.

Tukum Democratic party civui lio bia a chimnak hmun zong kha aliamcia kum 1991 le 1993 karlak ah English arak chimhnak Delaware’s Brandywine High School class room in a si. Joe Biden vice president attuan lio zongah Jill Biden cu Northern Virginia Community College ah Professor of English rian attuan chih i, amah nih atimi cu cawnpiak hi ka rian asilo, ka sinak asi tiah a chim.

Hi konghe pehtlaiin Joe Biden nih a nupi konghe pehtlaiin a chim vemi cu ramchung hmunkip kaakip a ummi vialte hna, cawnpiaktu nan duh bik mi le mah le mah zumhngamhnak an pe khotu kha vun tuak tuah uh, Cubantuk minung cu first lady Jill Biden sinak asi tiah hmai hngal ngaingai in a nupi thatnak a chim ve.

Be the first to comment

Leave a Reply

Your email address will not be published.


*