Kawlralkap cu an cei ko cang lai hih. An caah thawngpang chia taktak a chuak ko cang. US President Joe Biden nih tuchun ah Kawlram uknak alatu Kawlralkap cozah hruaitu hna cungah dantatnak atuah dingmi alanghter cang. Kawlralkap hruaitu lutlai hna le an chungkhar hna cu dantatnak tuah an si tiah an langhter. US nih tutan ah Kawlralkap cungah dantatnak a tuahmi chungah thilpipa taktak a simi cu atanglei bangin asi.
Ralkap nih Government Fund US ah angeihmi tangka US in 1 billion a ummi cu tonghtham khawh ti lo dingin an timh cang. Tutan ah hibantuk in US cozah nih Kawlralkap cungah dantatnak atuahmi hi nizan ah Naypyidaw lamzawhnak ah kawlram palit hna nih nu pakhat alu ah meithal in an kah hnu ah atu bangin US cozah nih Kawlralkap cungah dantatnak tuah an timh mi hi asi.
Theihcio bangin Kawlralkap hna nih cozah nawlngeihnak or uknak an lak hnu ah tuchun nitiang Ramchung mipi hna nih lam zawhnak an tuah. Hmun kaakip in ralkap uknak doh in, lam zawhnak cu an tuah cio hna. Hi konghe pehtlaiin US president thar Joe Biden nih Kawlralkap hna cu nawlngeihnak nan lakmi hi pe tthan hna uh, Cun Aung San Suu Kyi siseh adang hruaitu nan tleihmi hna zong thlah hna uh tiah ati hna.
Culawng siloin US President Joe Biden nih ati tthan rih mi cu, Kawlram mipi hna nih lam zawhnak in thil an tuahmi vialte hna hi vawlei cung pumpi nih kan cuanh peng hna. Aharh asi ahcun action kan lak chap rih lai tiah a ti rih. Uknak ralkap nih an lak hnu ah biatak tein lam zawhnak cu alinsa chin lengmang cang. Lam zawh mi cungah tukdohnak a um asi ahcun cohlan khawh asi lai i, lehrulhnak kan tuah bak lai tiah a chim.
Relchih:Hakha ah Ralkap nih Tlaihmi a Dang Minung Pathum an Um Rih. February 10 zaan ah Chin ramkulh Election Commission rianttuantu hruaitu upa deuh pawl ralkap nih an tlaih dih hna. A tanglei minung pathum hi Hakha District Election Commission Secretary Daw Cho Khaing Oo, Hakha District Election Commission Chairman Pu Lian Hre le Chin ramkulh Election Commission Secretary U Lin Kyaw an si. Annih zong hi Rungtlang ah ralkap nih an kalpi ve hna.Nizan ah Hakha le Thantlang ah a ummi Election Commission hruaitu upa minung 8 tlaih an tong. Chungkhar nih atu tiang an pehtlai kho hna lo. By Min Cung Sang
Leave a Reply