US NIH MIN AUNG HLAING TE CHUNG A TTHUAT CANG HNA

Min Aung Hlaing fa le cu US cozah nih dantatnak a tuah cang hna. Anmah lawng siloin an Company hna zong phihkharnak atuah rih hna. Kawlralkap bawizik Min Aung Hlaing fapa Aung Pyae Sone le Khin Thiri Thet Mon hi company ngan angei veve mi an si. Asinain apa min Aung Hlaing tuarsernak ruangah an company thilchuak hna cu US ah zuar kho tilo dingin US nih aphih piak hna.

Hi konghe pehtlaiin Kawlralkap bawizik Min Aung Hlaing le adang ralbawi hna zong US le UK nih dantat phihkharnak an rak tuah cang hna. US le Uk ramchung ah luhnak nawlpek an si lo pin ah ralhrang cazin chungah an khumh hna. Culawng siloin an ngeihmi thilri zong US luhnak nawlpek an si lo i, an phih khar cang hna.

Tutan ah Kawlralkap bawizik Min Aung Hlaing fale pahnih hna zong US ramchung luhnak nawl an phih kham hna lawng siloin an ngeihmi Company thilchuak hna zong US ah kuatnak nawl an kham rih hna. Cun US ah zuarnak nawl zong an phih rih hna pin ah hringtu apa bantukin ralhrang cazin ah an chiah chih hoi hna.

Kawlralkap bawizik Min Aung Hlaing a fapa Aung Pyae Sone le Min Aung Hlaing fanu Khin Thiri Thet Mon hna nih an ngeihmi company hna cu A&M Grand Company Limited le Sky One Construction Company Limited siseh Yangon Restaurent Yangon Gallery, Everfit Company lawng siloin Seventh Sence, Company ngangan hna hi an ngeihmi asi tiah BBC thawngzamhnak nih alanghter.

Relchih:Avoi Thumnak Stimulus Check Ngah Si Cang Lai.President Joe Biden nih Coronavirus ruangah harnak a tongmi hna chanhchuahnak caah bawmhnak, $1.9 trillion coronavirus relief package bill cu Senate nih an pass hnu ah tuchun ah house ah vote an thlak i, vote 220-211 in an fehter cang. Cucaah President Biden nih ningia ni Friday ah min a thut lai i, law a si hnu ah hmaizarh chungah cun zapi sin ah Stimulus check kuat cio a si cang lai tiah zumh a si.

President Joe Biden chuahpi mi, $1.9 trillion coronavirus relief package chungah hin minung pakhat nih US$ 1400 ngah dingmi stimulus chek a tel, rian ngei lomi hna caah zarh khat ah $300 September thla tiang ngah dingmi a tel, vaccination centers le Covid-19 testing caah $130 billion a tel, schools on thannnak ca le safety caah $15 billion, small business grants; caah $350 billion le State emergency funding, local le territorial governments, reinstating paid sick leave, child care tax credit caah $15 billion, states subsidize child care for low-income families caah $25 billion fund pek a si lai .

Tutan avoi thumnak stimulus check Senate nih an pass cangmi bill chungah minung pakhat nih kum khat ah US$ 75000 in a tanglei a hmuhmi nih US$1400 full in an ngah lai. Asinain kum khat ah US$ 75000 in $80000 karlak a hmumi nih cun full in an co lai lo. Nuva hmun khat i tax file a tuahmi hna nih kum khat an hmuhmi phaisa US$ 150000 in a tanglei a ngahmi nih US$ 2800 an co lai. Cu pin ah fale ngeihmi hna nih minung pakhat ah US$1400 cio ngah chap a si lai.

Low income pawl caah child tax credit timi a um i, kum 6 tang hngakchia nih kum khat caah US$3600 an ngah lai. Voi khat pek ah pek si loin thla khat tete in pek dawh a si. Nan hawile a thei lomi caah rak share chin ulaw tha lai. Nan ngahmi chung in a tlawm bik, $200 cu CDM caah thawh i zuam cio te ulaw tha tuk hnga. Credit: Salai Lairam Thang.

Be the first to comment

Leave a Reply

Your email address will not be published.


*