US CU BUAICHIN LENGMANG DAWH SI CANG, BIDEN ZONG LUAT DAWH SI TI LO

Salai Lairamthang: Joe Biden Zong Impeachment Tuah An Timh. REPUBLICAN Rep. Marjorie Taylor Greene nih Joe Biden President a tuan ni thawk ah Impeachment tuah dingah House ah ka chuahpi colh lai tiah tuchun ah a chim. Biden nih Vice President nawlngeihnak hmang in a fapa miakmainak caah power abuse a tuah Vice Prdsident sinak hmang in a fapa caah Chinese energy companies le Ukrainian energy companies, Burisma sin in phaisa miilion in eihmuarnak an tuah, Cucaah president rian a thawk ni ah phuah colh dingah kan chuahpi lai tiah Greene nih a chim.

Democrats nih an control mi Pyithu Hluttaw, House ah House Speaker Nancy Pelosi hruainak in President Donald Trump cu a sual tiah impeach an tuah. House hluttaw palai nih vote an thlak i, Democrats an tam deuh hlei ah Republican minung 10 nih Democrats lei ttang in vote an thlak caah vote 232-197 in President Donald Trump cu a sual tiah impeach an tuah.

Democrats lei ttang i vote a thlatu Republican palai hna cu Democrats an thawnnak state in a rami mi tam deuh an si. Liz Cheney of Wyoming, Dan Newhouse of Washington, John Katko of New York, Fred Upton of Michigan, Jaime Herrera Beutler of Washington, Adam Kinzinger of Illinois, Anthony Gonzalez of Ohio, Peter Meijer of Michigan, Tim Rice of South Carolina le David Valadao of California hna an si.

President Donald Trump cu a dirkamhtu hna nih Capitol Hill an luh hnawh ruangah sual an phawt i, President phuah khawhnak article of impeachment pakhat in sual an phawtmi a si. House nih President Donald Trump cu sual an phawt cang caah Senate ah tazacuai ding in an lanhpi lai. Senate Majority leader Mitch McConnell nih cun Joe Biden President rian a thawk hnu lawngah President Trump tazacuainak cu thawk khawh dawh a si.

Senate meeting cu January 19 lawngah meeting tuah a si lai caah President Trump a dinh tiangah tazacuainak dih khawh dawh a si lai lo. Januarty 21 ah President Trump cu a din lai i, Joe Biden nih President rian a thawk colh ve lai. Senate i taza an cuai zongah Democrats nih tei khawhnak lam a um lo Senate i cheuthum cheu hnih vote lawng in President Trump cu phuah khawh a si.

Senate ah Democrat le Republican cu vote 50 veve lawng an ngei. Senate i cheu thum cheu hnih vote lawng in Trump cu sual dantatnak pek khawh a si. Mah an tuah khawh lawngah Donald Trump cu President thimnak ah i cuh kho ti lo ding in an kham khawh lai. Republican nih cun Democrats pawl thil tuahmi cu sullam a ngei lomi a si, US caah thatnak nak in chiatnak a chuahpi lai. Cattialtu Salai Lairamthang

Be the first to comment

Leave a Reply

Your email address will not be published.


*