UPDATE: THANTLANG AH AN KAH THAH MI HI ALOR NGAINGAI MI A SI

Thantlang ah an kahmi Dalaan theih asi cang. Tuni Thantlang ah an kahmi cu Thantlang palek a lor ngaingai mi Bolay asi tiah theih a si. Amah hi bokhat a si tiah an chim chih. Thantlang ah hin a umnak zong a sau ngaingai cang mi asi tiah theih a si. Tuzan lei suimilam pathum le cheu hrawnghran Thantlang TABC lampial ah an kah thah.

A nunnak aliammi Thantlang palek bokhat a simi Bolay ruak cu Sizung motor nih a phurh i an kalpi tiah an chim. Hi konghe pehtlaiin The Hakha Times nih hitihin alanghter. Thantlang ah Dalaan tiah ruah mi pakhat meithal in an kahthah. July 5, zaanlei 3:30 pm tluk, Thantlang TABC lampial ah Dalaan a si, tiah ruah mi pakhat cu aho si hngalh lo mi hna nih meithal in an kahthah, tiah kan theih.

Chaklei in an vun dawi mi alo. TABC lampial zawn ah khin motorcycle aa cit lio ah meithal in an kah. Tlawmpal ah sii-inn motor nih a phurh i an kalpi. Atu hi Palek nih an check lio a si,” tiah minung pakhat nih The Hakha Times ah a chim. Hi konghe pehtlaiin TCP nih a ttialmi cu Nihin July5, suimilam 3:20 PM hrawngah Thantlang TABC pawngah palek Dalaan pakhat kah asi.

Akap tu hi mi zei an si ti hngalh asi lo. Hi kah a tong mi pa hi,kawl mi asi i a min kan theih ningah(ဟင်းဝေဇလပ်) ti’n kan theih. Palek asi i a sual ngai mi asi rallokap sinah thawng a pek hna caah kah a ton hi asi bik ko lai tiah khuami pakhat nih a chim. CREDIT: The Hakha Times & The Chin Post.