UPDATE: HAKHA BOMB PUAK AH INN TTHENKHAT AHRAWH, SAC NIH NGAIHTHIAM AN HAL

Bomb kah ruang ah Hakha, Nazareth sang inn zeimawzat a rawk, SAC nih ngaihthiam hal. NUG nih 2021 September 7 zinglei sang i D-Day a thanh hnu suimilaam 9:30PM fai in Hakha khuapi chung ah meithal le bomb thawng theih a si i bomb, meithal ruang ah Nazareth chung inn a rawkmi le biakinn an khen mi a um tiah sangmi sin in thawng kan theih. Inn a rawk mi kongkau ah SAC Mithat hna nih September 8 zinglei ah sangchung ah ra i nizaan an khen mi pawl zohfelnak an va ngei.

Min langhter duh lo sangmi pakhat nih, “Tuzing kan sang ah SAC lei tam taktak an vun ra. Inn an khen i a rawk mi an rak zoh. Ngaihthiam hna an hal hna,” tiah a chim. Nazareth sang um Mara Biakinn zong hmun tam tuk ah an khen. SAC minung an i chok rih ca ah a rawkmi zohfelnak an va ngei kho rih lo tiah kan theih. Nizaan kahdohnak ruang ah Chin Oo Sii sang um upa pakhat fak ngai in hliam a tuar tiah theih a si. Photo/Nizaan SAC hman mi bomb. The Hakha Post.

May be an image of text that says "REDMI NOTE 8 AI QUAD CAMERA"

Thawngpang dang: Amah Tein Zu A Rimi Cu Ralhrang Nih Meithal In An Kah! Ayeyawady ram then, Pathein khuapi, a hmat 9 zatkuat Pathein khat ta lei ral hleitang ah nihin September 7 zaan nazi 8:40 hrawngah security a tuantu palek telh in ralhrang hna cu zu a rimi pa pakhat nih hrocer in a zaam tak hna caah meithal in an kah tiah theih a si.

Hleitang ummi hna nih an chim ning ahcun zu a rimi pa nih a hrocer hna hnuah a zaam tak hna ruangah kan kahnak a si an ti i, a thih leh thih lo, a hliam leh hliam lo cu kan thei lo tiah khuami pakhat nih a chim. Kahnak an ngol hnuah ralhrangbu leh palek hna nih cun zuri pa cu tlaih dingin an kawl nain an hmu ti lo tiah thawng theih a si tiin Mizzima News in Burmese nih a tial.TFT

Be the first to comment

Leave a Reply

Your email address will not be published.


*