United Nation (UN) Nih Kawlram Kong Achimmi Cu Mipi Thachiatnak Lawngte A Si.

Kawlram ah ei-din le tangka dirhmun a tha lo, Caan sau a rauh hlanah mipi tampi rawltam in an um te men lai tiah UN nih a chim. World Food Programme (WFP) nih a chimhningah tuhnu thlathum in thlaruk hrawngah cun mipi sing 3.4 hrawng nih ei-din kongah harsatnak an tong te lai i, Khuapi um mi hna cu riantuan ding an ngeih lo caah meh-hang man a kai te lai i, an dirhmun zong a chia chinchin te dingin ruah a si.

Burma: UN Takes Key Step for Justice | Human Rights Watch
“Mi tamtuk rian an sung , ei le din cawknak zong an ngei ti hna lo, an tuarnak sihnalh ding le an ei le din dirhmun a hlan kanh in timhtuahnak ngeih dingin hmalak zokzok a hau” tiah Country Director Stephen Anderson nih a ti.WFP nih a chim ningah February thla dih lei thawkin facang man cu 5% le chiti man 18% a kai. Yangon ah chungkhar tampi cu rawl ei lo hna in an um, leiba zong an ngeih ngai cang hna caah Agency nih hmalak nak auh in mipi 3.4 million tanpi nak caah Dollar 106 million a hal cang tiah a ti. Ralkap nih uknak a lak hnu ralkap uknak a duh lo mi lamzawh mi mipi hna cu ralkap nih a kah/thah
mi hna hi 700 leng an si cang.

Myanmar coup: China blocks UN condemnation as protest grows - BBC News

Mah buainak ruangah ramchung Bank hna cu khar a si i, bank in tangka chuah khawh a si lo,chawlehnak a buai ngai cang. Mi tampi cu ramdang um mi an chung le tangka rinh in an um. Thil lut le chuak a dih i, riantuannak hmun (factory) tampi khar a si caah World Bank nih a ruah ningah 2021 kum Myanmar ram GDP cu 10% hrawng in a tla te lai tiah a ruah. Ralkap nih uknak a lak hlan ah Kawlram minung 2.8 Milion nih ei din a harsa tiah WFP nih a ruah mi a si.

Be the first to comment

Leave a Reply

Your email address will not be published.


*