TUZAN LEI AN CAWLCANGH NING CU AMAK KHOTUK UAR AN UM BAK HIH

Uar an um ko. Falram Peng Hluttaw Candidates pawl cu hmunkhat te ah zanriah dumttinak an ngei. Kawlram thimnak caan cu theihcio bangin Thaizing sunday November Ni 8 ah tuah asi lai. Hmunkip kaa kip a ummi vialte zong nih tutan thimnak cu i ngeihcio mi asi. Tutan thimnak ah hin zeibantuk party nih dah teinak an hmuh lai tiah minung tampi cuanh tthut asi.

Image may contain: 13 people, people standing and people sitting

Tutan thimnak ding cu Chinmi caah cun alinsa taktak mi thimnak dingmi asi. Aruang cu miphun Party an vun chuah caah asi. Theihcio bangin Chinmi thinlung ahcun tutan kawlram thimnak cu Kawlrawn ah hin NLD nih teinak hmuseh tiah minung tampi thinlung asi. Cu vebantukin Chinram chungah cun Miphun Party nih teinak hmu ve hna seh tiah minung tampi an duh ve.

Image may contain: 7 people, people standing

Chinram chungah cun Party ngan hi pahnih an um ti khawh asi. Cucu CNLD le NLD hi an si. CNLD nih cun tutan thimnak ah hin teinak kan hmuh hrimhrim ko lai tiah an ti ve. Cun NLD zong nih tutan thimnak cu kanmah nih teinak kan hmuh tthan ko lai tiah an ti. An pahnih ning in an i zum taktak veve. Asinain teitu cu a caan nih avun chim ko lai.

Image may contain: one or more people, people eating, people standing and people sitting

Kawlram rampi thimnak cu theihcio bangin thaizing hi asi. Candidates pawl hna cu tuzan hi i hngilh khawh dawh an si ti lai lo dah. Thaizing thimnak aizuam cawhmi dingmi chungin Falam peng Hluttaw candidates pawl ko hi uar an umtuk hringhran. Thimnak lai bak ah hmunkhat te ah zanriah dumttinak an ngei hna.

Image may contain: 4 people, people sitting

Hi nih alanghter mi cu pakhat le pakhat karlak ah remdaihnak a um ko timi hi alanghter. Campaign an tuah lio ahcun anmah caa thatnak siseh pakhat le pakhat an i doh len ko hna nain adonghnak i, an langhter mi thil nih mipi thinlung alaktuk hringhran hna. Tutan thimnak Falam peng in aa zuammi party hna cu atanglei bangin an si hna.

Image may contain: 2 people, people sitting, people eating and table

USDP party le CNLD party cun NLD Party. Culawng siloin Independent tiin aa zuammi hna an si. Hluttaw candidates hna cu FBA Gs. Rev. Daniel Vai Lian Zul te chungkhar nih zanriah dum ttinak an tuahpiak hna i, hmunkhat te ah rawl zong an dumtti hna tiah theih asi. Falam peng hluttaw candidates hna hi an dihlak in minung 13 an si.

Image may contain: 3 people, people sitting

Minung hleithum chungah tutan rawldumttinak ah hin minung hleikhat lawng an chuak kho. Achuak kho lomi hna cu NLD party in Dr Riang Vel le USDP Party chungin Pu Buai Sai Lo hna hi an si tiah an langhter. Tutan hmunkhat thinlung khat in rawl a dumttimi an cawlcangh ning cu hmanthlak in vun langhter mi hna hi an si.

Image may contain: 2 people, people standing

Chirhchan: The Hakha Post.

Be the first to comment

Leave a Reply

Your email address will not be published.


*