TUTIANG KALAYMYO AH A NUNNAK ALIAMMI ZAT THEIH KHAWHMI

Tuchun Kalaymyo thilcang cu tuksum a si ko. Tuchun March Ni 17 ah Kalaymyo lamzawhnak atuahmi hna Kawlralkap le Palek nih an kah hna ruangah nunnak aliammi an um i, hliamhma atuarmi zong zeimawzat an si. Tuchun ah Ralkap le Palek kahnak in a nunnak a liammi hi minung pali an si tiah an langhter. Culawng siloin hliam atuarmi zeimawzat an um rih ti asi.

May be an image of 1 person, standing, fire and outdoors

Tuzing tiang ah khan kawlralkap le palek nih an velh mi hna zong tampi an um pin ah an tleihmi zong tampi an um rih ti asi. Tuzanlei zanlei suimilam pali hrawngah Kawlralkap le Palek nih Tahan le Hmunlai karlak Chin Taungtan gate pawng ah minung pakhat zong ake kiak lak in an kah tiah theih asi. Cun meithal zong voitam ngai an puah rih tiah an chim chih.

May be an image of standing, fire and outdoors

Mipi hna cu kawlralkap le palek hna nih JCB tiangin tthawlnak an hman rih ti asi. Mipi zong nih an si khawh chungin lampi an kham ve hna. Ralkap le Palek kahnak ruangah a thimi hi theihkhawh mi ah minung pali an si cang i, hliam a tuarmi le an tleihmi hna hi minung zeizatdah an si timi theih khawh asi rih lo. Hliamtuar theih khawhmi chungah minung pakhat hi a dirhmun attha lo ngaingai tiah an chim.

No photo description available.

Tuchun ah Kawlralkap le palek hna cu khuachung ah biatak tein an hriamnam he an i chok vak hna i, lamkam ah a ummi CCTV zong kawlralkap nih an hrawh. Atunai tiawk Kawlram caan in zanlei suimilam paruk hrawngah Kawlralkap le Palek hna cu Tanhan le Taungphila ah mipi hna lam an kham hnawh hna tiah langhter chih a si. Credit:CT

Be the first to comment

Leave a Reply

Your email address will not be published.


*