TUTAN US THIMNAK KONGAH A HOHMANH KIANH KAI TIM HNA LO: CHELSEA BAWI

Tutan US thimnak konghe pehtlaiin Chelsea Bawi nih aho hmanh ka kian hna lai lo tiah a chim. Chelsea Bawi cu kan theihcio bangin Laimi caah biatak tein online ah ca aa kan ttialpiak lengmang mi asi i, a bik in tutan US thimnak konghe pehtlaiin thawngpang dongcat loin a kan thanh lengmang mi asi. Culawng siloin US thimnak kong atutan thim ning siseh thilsining a thei ngaingai mi asi.

Tutan US thimnak kong cu theihcio bangin a buai ngaingai tuchun ni tiang thimnak result kongah abuai peng rih. Abuainak aruang bik cu vote ningcang loin an thlah timi hi asi. Mithi cia min hmang in vote tampi an thlak i, tthenkhat cu vote ngeitu hna nak lengin vote atlami a um. Vote relning adik lo timi aphunphun in a chuak. Asinain atutiang rih ahcun Joe Biden nih atei tiah langhter dih asi.

US election konghe pehtlaiin Chelsea Bawi nih a timi cu US i Laimi Political Science le PhD adih mi pawl hmanh tutan election kongah cun a hohmanh kianh kai tim hna lo tiah fiang ko in a chim. Culawng siloin Chelsea Bawi nih a ti tthan rihmi cu Dr Hre Mang siseh Dr Hai Vung Lian siseh Harvard University i, Master a dihmi Pu Zo Tum Hmung hna hmanh khi ka kianh hna nak ding apelte hmanh a um lo tiah a chim rih.

No description available.

Amah a ttialning tein,, Anmah cu chim lo US i Laimi political science le PhD a dih mi pawl hmanh tutan election kongah ahohmanh kianh kai tim hna lo. Dr. Hre Mang, Dr. Hai Vung Lian le Harvard University i Master a dihmi Pu Zo Tun Hmung hna hmanh khi ka kian hna nak ding a pelte hmanh a um lo. Hi cabia Chelsea Bawi nih attialmi hi Dr PC Biaksiama nih attialmi langhtermi ah comment a tuahmi asi.

Dr PC Biaksiama nih attialmi cu Zumh Khawh Lo Tiang In US Thimnak Result Ai Thleng Lai? Trump Vote 410 Joe Biden Vote 128 (Biathli vialte haichuah/pholangh ai thok cang!!!!) Nihin cu keimah zong nih kai zumh kho lo. Thilcang kho lo ah ka ruah. Ka lungthin chung ummi ka hun phochuah ve a hau cang! Carlifornia, USA lei ka hawikom ttha nih a van ka kuatmi cu ka khuaruah hi a har kho taktak.

A phozar hmasatu si ka duh lo i, a van ka kuat nolh tthan. Atu ahcun hmun dangdang zong ah ai pholangh (viral) viar cang ti ka theih ruangah Intelligence report nih Trump nih landslide victory dirhmun si in vote 410 a hmuh i, Biden nih votes 128 a hmuhnak kong hi ka hun tarlangh ve.Hihi tette (Evidence) ttha ngaimi a si i, election ah idehhlennak le vote hrokhrol in ningcang loin hlonhmi le rel a tam zia finfiahnak he Evidence hi Court hmai ah Trump Legal Team nih an put luh thluahmah.

Hi ca ka postnak a ruang cu hi thawngpang hi hmun kip ah a karh cang ti ka theih ruangah pakhat, Fake News pawl zong nih a si lomi bak Biden vote 306 a hmuh tiin zarhkhat chung bak TV ah an pholangh ve ruangah ka zei a poi lo.Sihmanhsehlaw, ka ca laknak hram One America News (OAN) hi USA ah Mainstream News Network tling bantukin America mipi nih an ruahmi le an rel duh ngaimi a si ve.

Ramdang ahcun an ithimnak kha election rigging a um ti an theih ahcun an nawlneihnak hmangin an i namchih tawn ttheo. Nain Pathian nih fimnak in thuamh mi Trump nih America ahcun mi rum hna dehhlennak (bribery) le phaisa nih rian a ttuan kho lo. Democrat pawl dehhlennak, lih le hrokhrolnak vialte cu pakhat hnu pakhat in an haichuah/pholangh duahmah hna. Court sang bik hmai ah chuahpi in lehthal an timh hi a si. Hi cabia hi tuandeuh ah an thlahmi asi i, cabia cungah Chelsea Bawi nih comment a tuahmi asi.

Be the first to comment

Leave a Reply

Your email address will not be published.


*