TUNI RALHRANG VANLONG TLAKNAK AH MIRUM HNA NUPA LE AN FAPA AN THI

Tuni Vanlong tlaknak ah a nunnak aliammi chungah Shwe Phu Company ngeitu hna nupa le an fapa pakhat an i tel. Ralhrang kawl Ralkap vanlong a tlak ruangah a thimi hna lak ah Pyin Oo Lwin ah sak ding a simi phungkicawng saknak ding caah chawva tampi a hlutu a simi Shwe Phu company ngeitu U Mya Phu te nupa le an fapa Maung Khant Win zong an I tel ve tiah theih asi.

Cun An fahniang fa a si mi Maung Paing Bone Pyae tu cu a lu ah a khawng tiah theih asi. U Mya Phu cu Kawlram cozah nih kawlbiaknak lei ah a hlu pengmi pawl an pek tawnmi hna upatnak certificate zong a rak hmu bal mi asi. Shwe Phu company cu U Thein Sein chan lio tein Karen ram ah sui co mi rian a rak tuanmi company an si. U Mya Phu cu aliamcia kum 2013 October ni 14 ah Yangon ah a ummi Trader Hotel le Western Park Ruby rawldawr ah a cangmi bomb puahnak kongah pehtlaihnak a ngei ve mi asi kho tiah palik lei nih taza an rak cuai bal mi zong asi.

Tangka lak in bomb a rak puahtu a simi Saw Mya Aung cu U Mya Phu inn ah a rak tlun caah hi tiin lunghrinh a rak ton nak hi asi. 2015 ah Saw Mya Aung cu taza zung nih kum 25 thongthlak dingin bia an rak chah I U Mya Phu le a mawtaw mawng Ko Zaw Lat Maung tucu sualnak an ngeilo tiah an rak thlah than hna.

U Mya Phu le a nupi Daw Leh Leh Win hna nih fapa 3 an ngeih hna I an fapa minung 2 hna cu vanlawng cung ah an I tal ve. Vanlawng aa cit mi minung 14 lak ah minung 12 an thi I Maung Paing Bung Pyae le tat-ciat-ci Kaung San Win tu cu an lu ah an I khong I ralkap siizung ah thlop lio an si tiah theih asi.

May be an image of outdoors and tree

Thawngpang dang: Thantlang Laipawnglung gate le khua kiangkap ah bomb le meithal puak. 2021 June 9 le 10 ah Thantlang Laipawnglung gate le khua kiangkap ah bomb le meithal puahkehnak a um tiah khuami hna sin in kan theih. June 9 zinglei 1:30 am hrawng ah Thantlang Laipawnglung gate ah bomb voi nga hrawng a puak.

June 10 zaanlei suimilaam 6:00 hrawng ah bomb hmun thum ah voi hra hrawng a puak. Cu hnu ah Thantlang khuachung hmun li ah meithal a puak. Mizei nih puah mi a si cu mizapi nih kan thei lo,” tiah khuami hna nih The Hakha Times ah an chim. June 10 zinglei ah CDF-Thantlang le SAC ralkap kahdohnak ah SAC ralkap 17 an thi i, CDF-Thantlang lei an him dih tiah kan theih. Credit: The Hakha Times.

Be the first to comment

Leave a Reply

Your email address will not be published.


*