TUNI MANDALAY I KAHNAK KONG RALHRANG NIH THAWNG AN THANH

Tuni i kahnak ah ralhrang kawlralkap nih thawng thanhnak an tuah. June thla ni 22 ah a cang mi Mandalay PDF le SAC ralkap I kahnak ah PDF lei in minung 8 an thi tian ralkap lei nih thawng an thanh. SAC ralkap lei zong fak ngai in aa hliam mi cheukhat an um I PDF lei minung 4 an thi I minung 8 cu an hriamnam he kan tlaih hna tiah ralkap lei nih cun thawng an thanh.

Mandalay I Chan Mya Tharsi sang ah a um mi inn pakhat cu ralkap lei nih an luh hnawh caah PDF lei he I kah nak cu tu zing ah a chuak. Cu pin ah mawtaw cung in ralkap pawl a kap len mi mipi mawtaw pakhat cu ralkap lei nih an dawi caah speed tamteuh in a kal I lam 56 le 110 karlak ah a um mi transformer cu a pah sual I mawtaw cung ah a cit mi minung 4 zong an thi tiah ralkap lei nih cun thawng an thanh chih.

May be an image of outdoors

PDF lei nih meithal le bomb in an kan kah hmasa caah kan kah than hna nak a si tiah thawng an thanh chap. PDF lei an umnak apikpak in an I dornak hmunhma pakhat cu ralkap lei nih an kah luh hnawh caah I kah doh nak a chuah nak asi tiah PDF lei nih tuzing ah an facebook page ah an tar. Cu pin ah mipi lei nih nan ti khawh ning cio in rak kan bawm ve uh tiah PDF nih mipi lei cu an nawl hna.

May be an image of outdoors

Thawngpang dang:Russia ah a tlawngmi Min Aung Hlaing cu hlawhtling ngai in um dawh asi. Min Aung Hlaing Russia a tlawn ah hin rampi president bantukin an dong lo. Asinain ralbawi dirhmun tuin an rak don. Ralbawi dirhmun in a si caah Russia president Putin he tonnak an ngei kho lai lo. Sihmanhsehlaw ralbawi veve cu tonnak an ngei cang tiah thawngzamhnak nih alanghter.

Min Aung Hlaing le Russia ram aiawh in ralbawi Nikolai cu tonnak an ngei. Russia ralbawi nih a chimmi cu Min Aung Hlaing hi President Putin nih tonnak ngeih a tim lo tiah a chim. Ram pahnih cu ram tthanchonak ding ah kum tampi a ttuan cangmi kan si i, ralkap nih nawlngaihnak an lak hlan pi in asi cang. Min Aung Hlaing hi Russia ah ralbawi dirhmun in a kal lengmang mi asi.

Rampi pahnih ralbawi ton biaruahnak konghe pehtlaiin an langhter mi cu hriamnam lei kong biaruahnak an ngei. Hriamnam lei ah pehtlaihnak fek a um chinchin nak dingah ttuan tti peng dingin Russia ralbawi nih Min Aung Hlaing cu bia akamh tiah ram pahnih ralkap lei nih thanhnak an tuah veve. Hi bantukin biakamhnak he a si tikah Min Aung Hlaing a duhmi cu atling ko rua.

Ming Aung Hlaing cu Russia ram khuapi Moscow ah an tuahmi Conference of International Security 2021 ah akal mi a si i, a ralai mi thaizing kiptuh June 24 tiang a caam lai. Russia ah a kalmi hi Min Aung Hlaing lawng siloin ralbawi dang minung pathum zong an kal ve tiah an chim.

Ralhrang caah thawngpang chia a chuak tthan. Lu Tlai Pariat le Chawlehnak Ngan Pathum EU Nih Phihkhar Chap. Nawl ngaihnak lak hlei ah lamzawhtu hna cu namneh nak tuah ruangah pehzulh in hruaitu pariat telh in rallokap he a pehtlai mi chawlehnak ngan pathum le riantlai tu hlun(The War Veterans Organization) cu phihkhar chap dingin cazin ah telh asi tiah EU nih tuzing ah a thanh.Mah hi ralhrang nih nawl ngeihnak alak hnu EU nih a voithumnak hremnak a pek asi.

Thawngpang dang:Hi hremnak pekmi cazin chungah atel mi hna cu. Duh-Bochohkyi Sein Thwe, Duh-Bohmuchoh Tun Tun Naw, Ralhrang nih riankhinh mi vuanci asi mi U Wine Shin, U Khine Maung Ye, Bochohkyi Tin Aung San, Sih-ne-choh-Daw Ti Ta Oo, Bochoh-Aung Lin Tun, Bochoh-Zaw Min Tun hna hi an si. Hi hruaitu hna hi Democracy phunglam hrawh atim mi ram caah nuhrin covo fak taktak in a buarmi hna tuanvo ngeitu an si tiah an thanh.

Phihkar mi chungah telhchap mi rian pathum hi ralhrang nih a tlaihmi (Myanma Gems Enterprise) (Myanma Timber Enterprise), (Forest Products Joint Venture Corporation Limited ) hna an si.Hi rian hi ralhrang tangka luhnak asi lo ah cawlcannghnak ah a bawmchantu an si tiah an tial. Atu tiangah EU nih phihkhar hremnak pekmi hruaitu 43 an si cang,anmah nih an tlaihmi lamhmuh saknak cu an tlaih cang.

Cu hlei ah EU chungtel ram hna nih chawlehnak ngan an phihkhar mi hna cu tangka an phihkhar hna asi. Atu bantukin hremnak pekchap mi ah tuan bantukin EU nih phihkhar mi pehzulh mi asi,hi chungah ram namnehnak caah an hmanmi hriamnam le thilri,ralhrang le ramri hngak rallokap nih hmanmi thilri,ram namnehnak caah pehtlaihmi cu hngak in tlaihpiak le thilri dihlak cawk,zuarh hna cu phihkhar mi ah atel.Cu hlei ah Myanmar ralhrang le ral lei fohkomh mi rallei thiamnak cawnnak cu an ngol chap. TCP

Be the first to comment

Leave a Reply

Your email address will not be published.


*