TUNI FALAM THAWNGPANG CU A TAMBIK RECORD THAR A CHUAK

Tuni Falam Covid Thawngpang. Tuni ah zawtnak angei tharmi hi Falam ah minung 35 an si. Tuni July ni 5 ah Falam sizung OPD ah covid zawtnak aa check mi hi minung 75 an si i, Cu chungah zawtnak angei mi hi minung 35 an si. Tuni zawtnak an hmuhmi hi tu tiangah cun a tambik zawtnak an hmuh hi a si. Hi konghe pehtlaiin a liamcia may 20 in tuchun tiangah minung 977 check an si cang.

Hi chungah zawtnak angei mi hi minung 359 an si. Covid zawtnak in a zawmi sizung a ummi chungin damnak tlamtling a hmumi hi July nikhat ah minung pathum an si i, July nihnih ah minung paruk. July nithum ah minung pakua, July nili ah minung pariat, July ni ah minung pakua an si. May ni 20 in minung 130 sizung in an chuak cang tiah theih a si.

Atu sizung chung ah zohkhanhmi mizaw covid zawtnak in a zawmi hi minung 89 an si hna. Hi konghe pehtlaiin thanhnak an tuahmi cu thaizing July niruk thok in covid zawtnak angei mi hna cu inn lei ah i erh Home Quarantine angah ti lai lo i, a zualhma deuhmi zohkhanh ahaumi hna cu sizung ah siseh zawtnak alangtuk lo in a dam fawi deuh ding mi hna cu Sizung quaters thar le DRD ah Quarantine dirhmun in zohkhanh an si lai tiah thawng theih asi. Credit: CHDN

February Thlasung ih Falam Keneh Pawl – Chinland Herald DailyNews

Thawngpang dang: Thantlang khua chung ah palek bo khat pakhat meithal kahnak in a thi. July 5 zaanlei suimilaam 3:00 fai ah, Thantlang khua ah a ho ti hngalh lo mi nih palek pakhat meithal in an kah i a thi tiah kan theih. Meithal kah a tong mi palek pa hi Thantlang Palek Sakhan ah a tuan mi a si i bo khat a si tiah, Thantlang khuami hna sin in kan theih.

A thi mi pa hi Kawl miphun a si an ti i, a min tu cu kan thei kho rih lo. An kahnak hmun cu Lungtial sang, TABC lampial chak Bogyoke lam cung ah a si i meithal zun thum in an kah tiah kan theih. Palek pa hi Chaklei ah a rak kai lei si dawh a si. Meithal puah thawng kan theih i lam cung ah a rilh kan hmuh nain kan va zoh ngam lo,” tiah min langhter lo mi pakhat nih The Hakha Post ah a chim.A ruak cu sii-inn motor in palek nih an kalpi colh tiah kan theih. THP

Be the first to comment

Leave a Reply

Your email address will not be published.


*