VAN TAWNG BAK SI KO, ZAPI CAAH CUN I CIT KHAWH DAWH SI TI LAI LO DAH

Covid-19 Si Hnu Laitlang In Yangon Karlak Motor Cit Man A Tam Kho Tuk. Vawlei cung Zawtnak tihnung Covid nih kan kawlram zong biatak tein a van kan den ve tikah khualtlawn zong phihkham a hung si lengmang.Thilphur motor zong cu laitlangin manlay kar hna kham a hung si, asinain Laitlangah thilman cu ruah ning bantukin a kai lemlo.

A liamcia harnak ton lio i laitlang chawdawr pawl nih mah miaknak hnuh duh in mipi thil cawtu hna thilman kaiter ruangah harnak an rak tonmi bantuk cu a si ti ruamlo. Laimi zong kan lung hung fim chin lengmang i thangchiat lai zong kan phang si cang. Hihi Laimi Media thawngzamhtu an rak um a thatnak kan hmuhkhawhmi pakhat ah ai tel vemi a si.

Tutan hakha le yangon kar motor citman minung pakhat ah 150000kys a phakmi cu khuaruah har si, tuan deuh ahkhan 100000, 2020 lio ah hei ti ko u sih, a si, nain 2021 thlathok ahcun 150000 a phan cang. Hi ti lawmmam in motor cit man a kai hi covid ruangah a si ko ti fiang. Emergency-herhtukmi caah an kal vemi si i, lampi ah motor ngeitu nih cozah zung ngsk pawl he an i pehtlaih ning ai phundan caah si lai ti hi zumh cio si.

Motor ngei pawl hi mawhphurh awk si an si ruamlo tiah mitampi nih an chim, an lainak a ruang hi kan boruak thatlo caah hin si bik ko.Hlan ahcun Hakha le Manlay, yagon kar ahhin 70000 hrawng hi a dih sinain atu ahcun boruak thalo kan ton caah 150000 a phaknak si si. Credit: The Thantlang Post Nework

Kyaw Kyaw ruak abultawltu le hna bak in a thei in, mit bak in ahmutu hna nih an chimmi. Kyaw Kyaw ruak an va hmuh ah hin ataksa hi akhong dih cang i, akut zong sersiam khawh tiloin akhong dih cang. Inn an rak phak i, motor in Kyaw Kyaw ruak an tthumh ahhin alu zong aa tung (a uai) lo, An zumhning ahcun ahngawngruh hi akiak ko lo hme maw ti zumhnak an ngei.Culawng siloin a hnakruh pakhat zong akiak hrimhrim ti asi. Cun a Kiu zong akiak khomi asi tiah an zumh.

Asinain Postmorterm tuah asilo tikah mit hmuhnak le hnatheihnak lawng asi cang. Aruak afimtawltu hna nih hin Kyaw Kyaw ahnulei hi aphing ngaingai i, vun zutpiak zongah aa tuah kho hlei lo tiah an chim chih. Postmortem tuah lo hi cu zakhat ah zakhat afiang fawn lo.Kan theihcio bangin a umnak hna nih hin an dawt ngaimi le an zohkhanhmi asi. Apu nih Kyaw Kyaw an hrem timi kong atheih bak in Sangau 1 YLA hna sin ah Kyaw Kyaw konglam dottlet dingin an nupa in hruaitu hna sin ah an kal colh. Kyaw Kyaw hi nan hremning fak maw tiah an hal hna tikah, Aw afak ve ko tiah lehnak an tuah hna.

Cuticun Pu Fela nih Kyawkyaw vazoh ding le si-ai pek dingin athaizing 28 monday zingka afale pahnih cu afial hna. YLA thah asi timi atheih tikah Pu Fela cu athinhung i, ruak humtu hna thutnak ding ah an chiahmi YLA thutden cu lengah a chuah dih i, anmah Khrihfabu UPC thutden a hman ti asi. Athaizing nihnihni zingah ruak i cuhnak le postmortem tuah ding timi kongah an buai. Cutikah YLA hruaitu hna cu tawlreltu sitiloin Sangau 1 VCP hna nih ruak cu an buaipi cang.

Hi kongah langhter chih ka duhmi cu Sangau ah hin Section pali a um i, Kyaw Kyaw ruak abuaipinak ah hin Section dang vialte hna cu an i tel duh lo pin ah Hakha Thantlang asimi hna cu Kyaw Kyaw ruak humh ah pakhat zong anmui alang lo? Aruang cu thilsining abuai tuk caah le an thinlung afahtuk caah asi. Kyaw Kyaw ruak humh zan suimilam pakua tiangah hin ruak ahummi hi minung panga ruk hrawng lawng an si.

Athaizing ahcun ruak i cuhnak siseh postmoterm kongah avun linhsat tuk ruangah i hrocernak zong afak ngaingai. Cutikah Kyaw Kyaw chung le hna zong an thinphang i, atu zongah biadik hmanh chim ngam lo tiangin an um i, zaangfak ngai an si. Aw zoram khoika dah diknak le kan khrihfa sinak cu? Ahodah arak chuak lai i, Bawmtu an hau taktak e, achung muru taktak theih lo zongah Kyawkyaw chungkhar tuarnak hi nan zohsawh ko lai maw? Chirhchan. Salai PK

Be the first to comment

Leave a Reply

Your email address will not be published.


*