TUCHUN SUI THANTLANG THAWNGPANG, MINUNG 10 AN I CHAP

Thantlang ah COVID-19 Mizaw 10 an i Chap Than. Nihin Thantlang ah minung 38 an check hna i minung 10 sin in COVID-19 zawtnak an hmuh, tiah ttuanvo ngeitu nih thawng an thanh. A tanglei sang ah a ummi hna siin COVID-19 zawtnak an hmuh:Sianginn 2, Zunghmun 4, TABC, 3, Lungtial 1. July 6 tiang Thantlang ah COVID-19 zawtnak a ngeimi minung 62 hmuh an si.

Cu chung ah cun minung 6 nih damnak an hmu tthan i, minung pakhat a nunnak a liam. Hakha zong ah July 6 tiang ah COVID-19 zawtnak a ngeimi minung 133 hmuh an si cang. Minung 2 an nunnak a liam i, a dang minung 58 an dam tthan cang tiah atulio Hakha COVID-19 kong tawlrelnak ah ttuanvo ngei HCMF nih thawng an thanh. Credit:The Chin Journal

COVID-19 he pehtlai in TCF le Penguk i bawm in nawlchuah - The Hakha Post

Thawngpang Dang: Depaying PDF minung 30 renglo an thihnak kongah hruaitu pakhat nih a chim. Biahalnak: PDF minung 30 renglo an thi timi hi a hman maw? PDF minung 30 an thi timi hi a hmanmi asi ko. Ahramthok ahcun minung 9 lawng kan theih hna i, Azan ah minung 9 hmuh tthan asi. Cun a hnu ah minung paruk an si tthan, Ahnu bik ahcun minung 30 renglo an phan. I Kahnak a chuah ning? Ralhrang kawlralkap hna an rak lut i, khuachung mi an i thuhnak an kah hna. PDF lei nih an kah ve hna. Hi i kahnak ah Sappiakyin PDF lawng siloin pawngah a ummi PDF zong an i tel hna.

PDF dirhmun achiatnak aruang zeidah asi hnga? Aruang cu minung tlawmtam an i thlau i, hriamnam zong an thlau hihi aruang bik cu a si ko. An nih cu hriamnam ngan an hman pin ah rianrang tein an kah khawh, Cun a hmunhma hi i kahnak hi aa thlau ngai, PDF lei cu i phennak an ngei lo i, an nih cu sianginn ah an um hna. Cu ruangah a thimi an tamnak khun hi a si. Alu ah an kahmi hna kha minung zeizatdah an si? I kah lio ahcun minung pahnih thum lawng a thimi an si. Adang cu hliam atuarmi an va kal hnawh hna i an kahmi hna asi.

Ruak hi nan phum kho dih maw? Ruak cu kan hmuhnak hmun paoh ah kan phum colh hna. Khuachung ah a ummi bantukin kan ti hna i, adang cu an zaam dih hna. Atu ah ralkap pawl cu an um ti maw? An um peng ko, PDF umnak hmun tiah an theihnak paoh ah an kal hna. PDF hriamnam hi zeidah a dirhmun a si? PDF hriamnam cu zeihmanh asi lo, thonghrolh asi ko.

Ahlan ah hibantuk thil a um bal cang maw? Hika lei ahcun a um bal lo. Asinain khua karlak ah civil mipi pawl an kah hna timi cu a um ko. Nain hibantuk in i kahnak hi cu a um bal rih lo. Hi kongah mipi sin ah chim na duh mi a um maw? Kan umnak hmun le hma lei le lung umtu ning hi aa dang cio hna i, vun lehrulh tthan khawhnak kan ngei ti lo. Thinlung tuin kan doh ko hna, Curuangah hihi hmailei caah lam aa kan hmuhsaktu a si. Hi bantuk in i kahdoh loin lamdang in doh an hau. Depaying PDF zong training dihka deuh, thatein cawlcanghning cang athiam deuh rih lomi an si i, cucaah cun i timhtuahnak ttha a um hlan cu i runven lawng asi ko. Atu bantukin hmaitonh in i kah tibantuk hi um ti hlah seh ka ti tiah a chim. MN

Be the first to comment

Leave a Reply

Your email address will not be published.


*