TUCHUN RAMCHUNG BUAINAK KONG HI VUN ZOHCIO TUAH UH

Tuchun ramchung lamzawhnak kong thawngpang. Ralkap nih uknak an lak hnu in tuchun lamzawhnak an tuahmi he ni 26nak a si. Tuchun zongah ramchung hmunkip kaakip in lamzawhnak an tuah. Yangon le Mandalay ah cun mipi lamzawhtu hna cu police pawl nih tthawl dih an timh hna. Rangon Minikungah mipi lamzawhtu hna cu biatak tein cawlcanghnak an tuah hna.

Cucaah palik pawl nih tthawl an timh hna caah lam tthenkhat ah an um hnawh hna i, cuticun lamzawhtu hna cu tthek dih an timh hna. Mipi lei panh in an vun kal tikah cun mipi hna cu an rak i tthial manh cang caah mipi le palik karlak ah zeihmanh buainak achuak lo ti asi. Cu tlawmpal ah mipi hna nih palik he tlawmpal an i hlatnak hmun ah biatak tein an au tthan ti asi.

Palik pawl nih meithahnak motor hmangin lamkip in an bawh tthan hna i, mipi nih an kianh tthan ti asi. Nidang ahcun palik le lamzawhtu hna karlak ah biaruahnak an ngei tawn. Asinain tuchun cu biaruahnak zong an ngei lo tiah Mizzima thawngzamhnak nih atar. Tuchun ah mipi lamzawhnak atuahmi hna tthek dingah palik arak rami hna cu an tam taktak tiah an langhter chih.

Culawng siloin Hledan Township zongah chunhnu deuh ah lamzawhtu mipi hna cu palik nih an buaibainak vedio recor zong an langhter. Cu video alanghning ahcun palik pawl nih meithal zong an puah ngaingai ti asi. Nunau pawl hna cu an thin zong aphang ngaingai. Cun palik pawl nih minung pahnih zong an tleih hna. Asinain meithal puahnak ah hliam atuarmi le nunnak aliammi an um le um lo kong cu an langhter lo.

Cun Hlain township zongah lamzawhtu mipi hna le palik karlak ah buainak a chuak tthan i, palik pawl nih meithal an puah hnawh i, lamzawhtu mipi hna cu an i tthek dih tiah theih asi. Hi konghe pehtlaiin Mandalay ah health worker chungkhar hna le engineer chungkhar hna telh in mipi atingleng nih lamzawhnak an tuah tthan. 62 Lan ahcun palik nih voiruk bak meithal an puah caah mipi an i tthek ti asi.

Culawng siloin Pyinman khuapi zongah tuchun chun lingcing ah khan tthut buin ralkap uknak lakmi duhlonak an langhter. Cu duhlonak alanghtermi hna cu palik pawl nih an khap hna i, meithal zong an puah pin ah minung tthenkhat an tleih rih hna. Tuchun lamzawhnak atuahtu hna hi sianghngakchia le mino zahnih hrawnghrang an si tiah theih a si. Palik hna nih hmunkhat ah i funtom hlah uh an ti hna.

Asinain lamzawhtu hna nih an ti vemi hna cu lamzawhnak kan tuah adih cun kan lawi ko lai tiah an ti ve hna. An lawi tlawmpal ah palik nih meithal an puah i, an dawi hna tiah thawngzamhnak nih an langhter. Tutiang theih khawh tawk ah hin minung pathum an tleih cang hna tiah theih asi. Cun an cycle zong an lakpiak rih hna tiah Irrawady thawngzamhnak nih an langhter chih.

Theihcio bangin tuchun kan Chinram khuapi Hakha zongah mipi lamzawhnak an tuah tthan. Lamzawhnak an tuah lioah ralkap le palik hna nih meikangh tthelhnak motor hmangin mipi hna cu Ti in kah an timh hna. Culawng siloin ralkap le palik hna cu meithal he an rak chuak i, meithal zong voikhat an puah. Ti in kah an timh hna nain mipi aphan kho lo. Cuticun palik le ralkap hna cu hnu an kir tthan.

Be the first to comment

Leave a Reply

Your email address will not be published.


*