TUCHUN KAN UNAU MIZO PAWL NIH RALZAM CAAH AN PEK MI ZAT CU A TAM BAK

Tulio Kawlralkap ralhrang hna ruangah kan Unau Mizoram hna an cawlcanghning cu lung ahmui tuk hringhran. Theihcio bangin Kawlralkap ralhrang hna nih February nikhat thok in hramhram in kawlram vialte cu nawlngeihnak or uknak an lak. Cutikah kawlram chung ah a ummi hmunkip kaa kip in duhlonak langhter in biatak tein kawlralkap ralhrang hna cu an doh hna.

May be an image of money

Ralhrang kawlralkap thiltuahmi biatak tein dohnak ah nunnak aliam mi hi tamtuk an um cang i, ralhrang hna nih an tleihmi zong minung tampi an um rih hna. Culawng siloin ralkap ralhrang nawlpeknak a zul kho lomi minung tampi palek siseh ralkap siseh civil minung zeimawzat hna cu nun himnak ruangah ram innpa a simi India ram, Kan unau umnak hmun Mizoram ah an tli zam hna.

May be an image of 4 people, people sitting, people standing and text that says "STUDENTS' AMC MYANMA KA U ANTE MYANMAR UNAUTE ČšANPUINA MOBILE CHARITY CONCERT YOU CAN HELP"

Kan unau mizoram chungah a tli zammi hna hi tak lawng bak in cinthlennak zong i ken lo in an zam hna. Cutikah kan Unau Mizo pawl nih unau khat pei kan si cu tiah a phunphun in zohkhanh an i zuam hna. Arak zammi hna zohkhanh nak caah tiah mizo kan unau hna nih tuchun ah bawmhchanhnak cu hmunkip kaa kip ah biachimnak in siseh hlasak nak in siseh an tuah hna i, tlawmsuknak an tuah.

May be an image of one or more people, people standing and outdoors

Mizo kan unau hna nih tuchun Charity Concert an tuahnak ah Mizoram khuapi a simi Aizawl ah kawlram ralzam hna caah tiah thil an tuahmi chungin an hmuh mi hi india in ting nga reng lo a si. India ting nga renglo cu atulio kawlram tangka thlen rate, india le kawlram in tangka thlen vun tuak in, kawlram tangka cun ting sawmriat reng lo a si.

May be an image of 1 person, standing and outdoors

Tuchun ah kan unau mizoram hna nih kawlram ralzam zohkhanh nak caah tiah tlawmsuknak an tuahmi chungah Aizawl ah an hmuh mi or a chuak kho mi hi Rs. 519009 asi ( ting nga le thong hlei kua le fangkua). Hi vialte hi kawlram tangka in vun tuak tulio tangka thlen rate cun ting 90 aphan deng. Kan unau mizo pawl an cawlcangh ning hi upat an tlak tuk hringhran.

May be an image of 10 people, people standing and people sitting

Culawng siloin Mizoram kan unau cawlcangh le an kan tuamhlawm ning hi lung a hmui, upat an tlak tuk hringhran. Nihin tiang ah Farkawn khuachung lawng ah minung 327 an i dor i, khuami nih tluninn an phawt cio hna. Cu minung 327 ca ah cun nihin ah Champhai Truck Owner Association nih Facang bag 60, Aalu bag 10, Chiti case 10, Piat Bag 2 an va pek tthan ve hna.

Aizawl zong ah cu bantuk cun an bultawl hna. Hmun dangdang zong ah lumsa tein le siarem tein zohkhenhnak an tuahpiak hna.Milu a lutmi an tthahnem cang.Cu caah, inn pakhat ah chungkhar 6, milu 20 leng hna an umter chung hna.Ka langhter duhmi cu: Mizoram kan unau nih an kan dawtnak le humhimnak hi a lianngan tuk hringhran.Lailei Civui bantuk in tluninn phawt cuahmah le zohkhenh cuahmah an si. Caan sau zohkhenhnak ca ah timhtuahnak le dirkamhnak zong abiapi taktak hnga. Kan khualam tu dih colh hram seh.

Be the first to comment

Leave a Reply

Your email address will not be published.


*