TTIHNUNG TAKTAK SI CANG KAN UNAU MIZO LE VAI AN I PHOMH CANG: VIDEO

Mizoram le Vai pawl an buai taktak cang. Ramri ruangah Mizoram le Vai pawl cu tulio hi biatak tein an buai lio a si. Tuzan October 17, 2020 zan ah khan Vai pawl nih Mizoram palik cu lung in an rak cheh hna ti a si. Lung in an cheh hna khan Vairengte ah a ummi Mizo pa pawl cu an kal hna i Vai pawl an umnak buk cu mei in an duah tiah theih a si.

A tu ahhin ramri ah Assam state ( Vai pawl ) palik le Mizo palik cu meithal kau cio in an um ko hna. Cung lei nih oder van pek bak cun meithal puah colh ding khi an si ko cang hna.Mizoram le Assam state ramri buainak hi kum tampi a liam cangmi a si. Ramri ai cuh pengmi an si. Kan hnu lei ah khan Vai pawl nih Mizo pa thlam mei in an khangh, a dum thil cinmi an hrawh piak dih caah Mizo pawl thinhun in buainak cu a hun linsa than mi a si.

An kar ahhin remnak a um khawh lo ahcun state pahnih kar ah fak taktak in kahnak le buainak a chuak te khomi a si caah mipi thinphang in an um cio ko hna. Atu tiang ah Mizo lei cu ram le miphun caah tiah nunthap in a dirmi minung tampi chungah minung pahnih hna cu kuangfang hliamhma an tuar cang tiah theih asi. Hi konghe pehtlaiin nizan ah mizoram bawi pakhat nih atanglei bantukin a chim.

Kan ram le miphun caah cun aharh le kan nunnak zong liam ko usih, hnu hrimhrim kan kir lai lo. Cucaah ka nau le zong timhcia tein ka umter cang hna tiah a chim. Hi kongtthiam tthiam he pehtlaiin mizoram mipi nih an timi cu aharh si ahcun kan nunnak zong liam ko seh kan dai bak lai lo. Aharh ning in rian kan ttuan lai i, a minung kip in kan ram kan kilven lai tiah an ti cang. Atuhi an buai cuahmah lio asi. Video zoh aduh mi nih hika hi voikhat in hmehpiak na zoh khawh lai

Hawidang ramdang cu an ram le miphun caah biatak tein nunnak pek bak in an cawlcangh cuahmah lio asi. Atu kan ttial lio cuahmah zong hi ram le miphun caah tiah biatak tein mizoram mipi an chuak cang hna. Ahnu thawngpang thanh khawh kan vun zuam thluahmah lai. Atuning vun zoh ahcun thinphan dailo bak asi cang.

Theih hrimhrim ahaumi kong vun relchih: Halkha um Miphundang pawl nih CNLD an vote lai maw? Miphun Party dir hi a herh/palh maw? Halkha khuachung ahhin milu 30,000 (thongsawmthum) kuakap an um. Cu ahcun thongnga (5,000) hrawng hi miphundang (atam-u Kawl) an si lai tiah ruahdomh a si, cozah riantuan, ralkap le company riantuan an tam.

Tuchun NLD Halkha khuachung an ichawhnak zongah miphundang an tam tiah theih a si. Phundang in chim ahcun NLD le USDP cu Halkha ah campaign tuah hau loin vote 3,000 (thongthum) hrawng an i hum cia cang tinak a si. “Kannih cu Chin kan si lo le zeitindah kan in vote rua hna hnga” an kan ti.

An palh hrimhrim lo. Zeitindah an miphun a si lomi party cu an vote duh khe lai.Asi kun ah Chin mipi nih teh Chin party cu vote an pe kun lai maw? An pek kun lo ahcun (pek a herh lo kan ti ahcun) Chin party cu kan hrawh lawlaw kun ne lai maw? Pu Lian Uk nihcun “CNF le CNLD hi um hlah sehlaw miphundang hmai hmanh zeitindah kan khah lai” ati ko khah.

Kan Bawipa Jesuh nih hi vawlei ah riantuan hram a thawkka ah “Sifakmi hna sin i thawngtha chim awk ah… saltangmi hna sin i luatnak thanh awk ah le hremmi hna luatter dingah a ka thlah” ti hi a chim hmasa bikmi thawngtha a si (Luka 4:18). A ngaingai ahcun miphun le biaknak ah thleidannak fak bik a tuartu.

Hrapcheu tiang dolh cangmi le a sifak bikmi Chin miphun kan himnak ding, luatnak ding le damnak tling kan hmuh khawh nakding hi Bawipa Jesuh hi vawlei a rak rat hnawhchan pakhat a si. Cucaah miphun ah fek tein dir hi ilaklawh hrimhrim hlah usih. Khrifa hna kan rian a si. Na ke hnih tein miphun ah chia ko. Teinak kan hmuh hrimhrim ko lai.Bawipa pei kan lei ah a ttang cu. Credit: Salai Ceu Bik Thawng

 

Be the first to comment

Leave a Reply

Your email address will not be published.


*