TTIHNUNG SI CANG, KNU LE RALHRANG KAWLRALKAP NIH THANHNAK AN TUAH

KNU le ralhrang kawlralkap i hrocernak cu a linsa ko cang. Mipi caah cun thil har taktak pakhat cu a si hrimhrim ko lai. Karen ramkulh konghe pehtlaiin KNU nih thanhnak an tuah bak in, Kawlralkap ralhrang hna nih thanhnak an tuah ve. Ttihnung ngaingai si cang. KNU le ralhrang kawlralkap hna cu biatak tein tukdohnak an tuah lengmang.

Hi lio caan ah KNU nih nizan ah thanhnak an tuahmi cu Karen ramkulh chungah ahopaoh lamzawhnak tuah ruangah ralhrang kawlralkap nih hna hnawhnak an inpek hna ahcun rak kan chim uh, kan i kilven hna lai. Cun CDM tuah ruangah a nunnak a him lomi nan um asi zongah nan mah humhhim dingin timhcia kan si. Mipi siseh CDM cu kan kilven in kan humh him hna ding asi tiah thanhnak an tuah.

No description available.

Hi konghe pehtlaiin ralhrang kawlralkap hna nih thanhnak ttihnung ngai in mipi cungah an tuah ve colh. Ralhrang kawlralkap hna nih Karen Ramkulh Dooplyaya pengah lamzawhnak a tuahmi nan um or lamzawhnak nan tuah asi bak ahcun kan in kah hna lai tiah nizan ah zanlei ah thanhnak an tuah ve. Mipi pawl nih an ngamh ve lo caah tiva ah duhlonak an langhter tthiamthiam.

No description available.

Ralhrang Pali nak tlawmlo an thi:Tuzanlei Tamu ah thil a cangmi khuaruahhar ngaingai asi ko. Ralhrang kawlralkap a tlawmbik minung pali nak tlawm lo an nunnak aliam tiah theih asi. Sagain ramtthen Tamu ah tuchun April zalei suimilam pali hrawngah bomb puahnak a um. Hi bomb puahnak ah ralhrang kawlralkap minung pali nak tlawm lo an nunnak a liam theih thanh nak an tuah.

Tuzan lei Tamu ah bomb a puahnak hi khuachung ah a si. Ralhrang kawlralkap hna cu khuachung ah an i chok hna i, culio ahcun bomb hi a puak tiah an chim. Hi konghe pehtlaiin minung pakhat nih a chimmi cu bomb a puah ruangah ralhrang kawlralkap minung pali nak tlawmlo an thih pin ah hliam atuarmi zong zeimawzat an um tiah a chim chih.

Cun hi bomb puahnak ruangah civil mipi a nunnak aliammi an um maw um lo. Culawng siloin hliamhma a tuarmi an um maw um lo timi theih asi rih lo. Tamu lei thawngpang hi a vun linsa ngaingai cang. Nizan zong ah Tamu hlei pakhat zong an hrawh dih. Culawng siloin naite nizan tihni ti awk zong ah ralhrang kawlralkap le mipi karlak ah tukdohnak arak um cang.

Tamu Myo Nang Phalong sang hna cu Martial Law an thanh i, minung pakhat kahthah asi. Nang Phalong sang ah ralhrang kawlralkap hna nih April nikhat ah mipi an kah hna i, Kum 26 a simi Chinpa Salai Thong Hoa Gin zong a nunnak a rak liam. Tutiang ramchung buainak ah alinsa ngaimi cu Tahan le Kalay hi an si.

Be the first to comment

Leave a Reply

Your email address will not be published.


*