TRUMP KONGAH BIDEN LE PELOCY AN BIA AI KHAT TI LO

Trump Rian Dinhter Kongah Tarnu Pelosi le Joe Biden Bia Ai Khatlo. US president a si liomi President Trump cu 2021 president siding in a tlin tilo hnu ah Demons phu nih a rannak in caan tlin hlan ah phuah zok an duh. A hlei in Pelosi innrangpi biachimtu nih chuah zok dingin lam a kal i ai zuam khun. Pelosi nih achimmi cu trump hi US ram le Demons kan caah ral a si. A rian in phuah zok ding si, a ruahnak dikcak tilo thilthalo a tuah hlan ah kan phuah hau tiah trump sualnak kawlin a caan tlin hlan i phuah ding ai zuam.

Asinain president thimmi Joe Bie nih cun thla 6 phun hna a rian dinhnak dingah caan i duh sehlaw sual puh in us ram caah chuah khawh dingin kan i zuam ko hna a si. Sinain zeite ai duh lomi ah a rian dinh caan a phak hlan i chuah cu a hau lemlo tiah a ruah. Hi nskin biapi deuh cu US ram mipi caah kan tuah dingmi riantu kha hmaisat ding si, cun Covid damhnak sii kan kawl lai cucu us mipi caah biapi deuh si tiah a chim. CNN,Fox News

Abiapi ngai in ruah awk a ummi:Donald Trump nih US President ttuan hi ahuamtuk ruangah asi lo. Trump ahuatu hna nih Trump cu thimtlin lo attihtuk, Uktu silo hi attih tiah an chim lengmang. Asinain Donald Trump nih US President si hi aduh tuk mi asi lai lo. Buainak vialte ahman lomi vialte thianh dih a timh caah amah party chung siseh democrats tiangin athuat hna, cu thil cu US Politics hman lo le ziknawh eihmuar hna nih an ei kho ngai lo.

Big Tech le MSM pawl hna khi Trump amah pumpak nih aharhnak a ngeih timi an thei hlei lo, hihi Big Tech le MSM hna nih an huat khunnak zong asi. Amah belte thil pakhat Trump nih aipalh mi hmuh khawh asi mi cu MAGA tiah a aupi lengmang mi asi. Hinak in angan deuhmi Pathian nak in America timi a chim lengmang mi tuhi asi. Vawlei cung ram tthawng bik sinak hi MAGA hmangin cawisan peng atimh. Hi thil hi cu aluan deuh ko ti hmuh khawh asi.

Cun America nunning zoh tikah Pathian an hlat deuhdeuh i, Pathian aharh mi le Pathian atleihchanmi an tlawm chin lengmang. Donald Trump an huatning hrimhrim khi tuksum lei asi cang. Pathian nih US caah Donald Trump hi athuh chung rih mi zong asi kho mi asi ko. Pumpak hmuhnak asi, ruahnak aidang kho men. Credit: DA

Mah zong hi theih ahau ngaingai. Donald Trump an tuahto ning cu a fak chin lengmang ko cang. Thimnak ah a sungmi Donald Trump cu lih a chim tuk ruangah vawleipi hmai ah US cu zohchia in amualpho tiah fak ngaiin an thuat cang. Hi konghe pehtlaiin Europe ramchung thawngzamhnak ngan pakhat asimi nih atimi cu Donald Trump nih hin US cu akhangh tiah alanghter. Theihcio bangin Trump cu Facebook le Twitter nih phihkharnak an tuah.

Twitter le bang nih cun hmang kho tilo dingin an kham cang. Culawng siloin Social Media platform tampi hna nih dantatnak tuah an timh rih. Langhter cang bangin US Capitol Hill ah buainak fak a chuah ruangah minung panga an nunnak aliam cang i, hliam a tuarmi zong zeimawzat an um. Cun Trump cu a thiltuah mi ruangah tleih khawh ding in an i zuam cuamah lio asi. Tutan ah an langhter mi pakhat cu hihi asi.

Trump movie aitel ruangah zohnuam atimi hna zong an lung anuam ti lo ti asi. Aliamcia kum 1990-2000 karlak , film ah Donald Trump arak i tel ve tawn i, cu a video ahcun mirum taktak in video ahcun aitel tawn. Donald Trump cu kum 1992 ah an chuahmi Home Alone2:Lost In New York timi zongah khan caan tlawmpal a vun i langh i, hngakchia Kevin McCallister nih Trump cu Hotel Lobby umnak ahal i, a chimh.

Hi video tawite Trump alanghnak cu hlonh i, midang cuanter dingin an timh tiah an chim cang. Trump a duh lomi hna nih Donald Trump zaka ah Christopher Plummer chia ulaw azoh a dawh deuh lai tiin nawlnak an tuah cang. Cuticun video an thlen nawn asi ahcun Home Alone timi film cu athar bantukin a si cang lai i, alar deuh lai tiah an chim chih rih.Theih cio bangin Home Alone cu kum chiarte Christmas lai ah hin a zohtu an tamtuk ti asi. Hi ruangah mipi hna nih biatak tein an cuanh tthup lio asi. Tutan ah Donald Trump cu sunghnak ahmuh hnu in alamkip in sualphawt asi i, caan karlak chungte hmanh hngak kho loin impeach tuah an timh rih. Cun tuchun ah Trump tazacuainak zong Democats nih an langhter lai ti asi.

Be the first to comment

Leave a Reply

Your email address will not be published.


*